Özbekistondagi gidroelektr stantsiyalarida suv tanqisligi tufayli elektr energiyasi işlab çiqariş kamaydi. Bu haqda Oliy Majlis Qonunçilik palatasidagi çiqişida energetika vaziri Jörabek Mirzamahmudov malum qildi.

Deputat Saydullo Azimov gidroelektr stantsiyalarida elektr energiyasi işlab çiqarişning kamayib borayotganiga urğu berib, bunga nima sabab bölgani bilan qiziqdi. 

«Suv kelişi 35 foizga kamaydi. Yirik gidroelektr stantsiyalari tomonidan elektr energiyasi işlab çiqarişning ötgan yilga nisbatan kamayişiga asosiy sabab şu. Quvvati 1-5 MVt gaça bölgan kiçik va mikro GESlarni işga tuşiriş orqali 140 mln kVt⋅soat elektr energiyasi işlab çiqarildi, ammo bu juda oz miqdor. Biz, albatta, gidroenergetikani rivojlantirişni davom ettiramiz, biroq u suv resurslariga boğliq bölgani sababli gaz istemolini kamaytiriş maqsadida muqobil energiya manbalari, quyoş, şamol va energiya saqlaş tizimlariga etibor qaratmoqdamiz», deya takidladi Mirzamahmudov.

Vazirning qöşimça qilişiça, suv energiyasini jamlaş stantsiyalarini quriş ham rejalaştirilyapti. Öz navbatida yirik gidroelektr stantsiyasini quriş 6 yildan 10 yilgaça davom etadi, şu jihatdan qisqa muddatda barqaror energiya taminotining eng arzon usuli «yaşil» energetika hisoblanadi.