Özbekistonda avtomobil işlab çiqariş hajmi yiliga 1 mln donaga yetkaziladi

Özbekistonda kelgusi beş yilda yengil avtomobillar işlab çiqariş hajmi ikki baravarda köproqqa oşiriladi. Bu maqsad yangi tahrirdagi “Özbekiston-2030” strategiyasi loyihasida belgilangan.

Strategiyada 2026 yilda respublikada 460 ming dona, 2027-yilda 550 ming dona, 2028 yilda 700 mingta yengil avtomobil işlab çiqariş rejalaştirilgan. Mazkur raqamlar 2029-yilga borib 800 mingtaga, 2030-yilda esa qariyb 1 million donaga yetkazilişi közda tutilgan. 
Özbekistonda 2025 yil yanvar-noyabr oylarida 419 338 dona yengil avtomobil işlab çiqarildi. Bu oyiga 38 121 donadan töğri keladi. Hozirça dekabr oyi körsatkiçlari elon qilinmagan. Ammo 11 oylik raqamlar butun 2024-yildagi (399 327 dona) körsatkiçdan oşgan. 
​
Ötgan yilning 11 oyida mamlakat avtosanoatida UzAutoMotors uluşi yuqoriligiça qolgan bölsa-da, kompaniya deyarli barça modellarni (Tracker’dan taşqari) işlab çiqarişni kamaytirgan. Eng yuqori ösiş BYD hissasiga töğri kelib, kompaniya 2024 yil 11 oyida 2 198 dona avtomobil işlab çiqargan bölsa, 2025 yilda bu körsatkiç 17 510 donaga yetgan. Işlab çiqariş hajmi bir yilda qariyb 8 baravarga oşgan. Kia, Çery, Haval kompaniyalari ham işlab çiqariş hajmini köpaytirgan.