Işlab çiqarilganiga 50 yil bölgan avtomobillardan foydalaniş tartibiga aniqlik kiritildi

Işlab çiqarilganiga 50 yil va undan ortiq bölgan, asl holati, yani taşqi körinişi, tuzilişi va asosiy agregatlari saqlanib qolgan avtotransport vositalari “antikvar” deb hisoblanadi va foydalanişga ruxsat beriladi. Bu haqda Içki işlar vazirligi xabar berdi.

Joriy yilning 1 fevralidan boşlab Özbekistonda işlab çiqarilganiga 50 yildan oşgan transportlardan foydalaniş, ularni qayta röyxatga oliş taqiqlangandi. IIV Jamoat xavfsizligi departamenti mazkur tartibga aniqlik kiritib, antikvar deb topilgan avtotransport vositalari bundan mustasno ekanini bildirdi.

Vazirlar Mahkamasining “Yöl harakati xavfsizligini taminlaş sohasini raqamlaştiriş böyiça qöşimça çora-tadbirlar töğrisida”gi qaroriga köra, işlab çiqarilganiga 50 yil va undan ortiq bölgan, asl holati, yani taşqi körinişi, tuzilişi va asosiy agregatlari saqlanib qolgan avtotransport vositalari “antikvar” deb hisoblanadi va bu kabi transport vositalari uçun yangi joriy etilgan ANT seriyali alohida davlat raqam belgilari taqdim etiladi.

“Fuqarolar bu kabi avtomobillariga davlat raqam belgilarini oliş uçun joriy yilning 1 fevral kunidan boşlab hududiy yöl harakati xavfsizligi boşqarmalarining röyxatdan ötkaziş va imtihon oliş bölinmalariga murojaat etişlari lozim böladi”, deyiladi xabarda.