Prezident Mirziyoyev vagonlar parkini yangilaş haqida topşiriq berdi

Şavkat Mirziyoyev 25 fevral kuni “Özbekiston temir yöllari” aktsiyadorlik jamiyati tarkibidagi korxonalarda yuk vagonlarini quriş böyiça amalga oşirilayotgan işlar va kelgusi yillar uçun rejalar taqdimoti bilan tanişdi.

Qayd etilişiça, 2023—2025 yillarda qiymati 105 million dollar bölgan loyiha doirasida 1 590 dona yarim oçiq yuk vagoni işlab çiqarildi. Bu içki va xalqaro taşuvlarda yuk aylanmasini oşiriş, logistika zanjirlarining barqarorligini taminlaş imkonini beradi.

Şuningdek, 2025—2026 yillarga möljallangan 150 million dollarlik yangi bosqiçda yuk va yölovçi vagonlarini quriş, şu bilan birga, “Özbekiston temir yöllari” AJ tarkibidagi vagon işlab çiqariş korxonalarini modernizatsiya qiliş işlari olib borilmoqda. Loyiha doirasida 954 dona yuk va 70 dona yölovçi vagonining qurilişi boşlangan.
Bugungi kunga qadar uşbu loyiha doirasida 45 dona yölovçi vagoni va 340 dona tsisterna işlab çiqarildi. Joriy yil yakuniga qadar qöşimça ravişda 614 dona yuk va 25 dona yölovçi vagonlari işlab çiqariladi.

Kelgusi yillarda yuk vagonlarini işlab çiqariş hajmlarini keskin oşiriş uçun yaqinda prezident alohida qarorni imzolagandi. Hujjatga muvofiq, qöşimça 100 million dollar mablağ ajratilib, 1 350 dona yuk vagoni yetkazib beriladi. Buning uçun şu yilning özida sanoat korxonalari quvvatlarini 1,5 barobarga oşiriş va ikki mingta yuk vagonlarini işlab çiqariş vazifasi qöyildi.