Mutlaq rekord: Özbekistonning xalqaro zaxiralari 77 mlrd dollardan oşdi

2026 yil 1 mart holatiga, Özbekistonning oltin-valyuta zaxiralari 77,1 mlrd dollarni taşkil qildi. Zaxiralar qiymati fevral oyida 2 mlrd dollarga köpaygan. Bu haqda Markaziy bank taqdim qilgan hisobotda keltirib ötilgan.
Ötgan oy davomida zaxiralarning valyuta qismi 686 mln dollarga qisqargan bölsa, oltin qismining qiymati 2,7 mlrd dollarga oşib, 67,6 mlrd dollargaça köpaygan. Zaxiralar tarkibida oltinning fizik hajmi ham 12,8 mln troya untsiyadan 13,1 mln troya untsiyaga yetgan.
Umuman olganda, 2026 yilning yanvar-fevral oylarida Özbekistonning zaxira aktivlari 10,7 mlrd dollarga köpaydi. Katta ösiş xalqaro bozorda oltin narxlarining qimmatlaşişi fonida yuz berdi. Yaqin Şarqda geosiyosiy vaziyatning nihoyatda keskinlaşişi, jahon savdosidagi noaniqliklar, AQŞ Federal rezerv tizimining mustaqilligi atrofidagi xavotirlar va Qöşma Ştatlarning fiskal barqarorligiga doir şubhalar kuçaygani sabab 2026 yilda qimmatbaho metall bahosi 5000 dollardan oşdi. Oltin joriy yilning ikki oyida qariyb 19 foizga qummatlaşdi.