Özbekistonda yöq joydan 2 mlrd söm QQS olganlar uşlandi

Qalbaki hujjatlar orqali 2 mlrd söm qöşilgan qiymat soliğini (QQS) qaytariş sxemasi foş etildi. Bu haqda Davlat xavfsizlik xizmati xabar berdi.

Davlat xavfsizlik xizmatining Navoiy, Toşkent va Andijon viloyatlari böyiça boşqarmalari hamda Iqtisodiy jinoyatlarga qarşi kuraşiş departamenti xodimlari hamkorligida yaşirin iqtisodiyotga qarşi kuraşiş yönalişida Çirçiq şahrida tezkor tadbir ötkazilgan.

Unga köra, Toşkent viloyatida faoliyat yurituvçi MÇJning muqaddam sudlangan xodimi Navoiy viloyatidagi xususiy korxona iş boşqaruvçisining işonçiga kirib, 2025-2026 yillarda 20 mlrd söm atrofida tovar aylanmasi bölganligi töğrisida qalbaki hujjatlar rasmiylaştiriş orqali, mazkur korxona hisobiga byudjetdan 2 mlrd söm qöşilgan qiymat soliğini soliq idoralarida işlovçi tanişlari kömagida qaytarib olinişida yordam berişini aytgan. Öz navbatida, uşbu xizmat haqi evaziga 340 mln söm talab qilgan.

QQS korxona hisob raqamiga tuşirib beriş bilan boğliq barça soxta amaliyotlarni uning şerigi – Andijon şahrida yaşovçi, yakka tartibdagi tadbirkor amalga oşirgan, yani, tadbirkor öziga taniş bölgan MÇJ va Navoiy viloyatidagi xususiy korxona örtasida elektron şartnoma rasmiylaştirgan. Uşbu şartnomaga asosan, göyoki qiymati 18 mlrd 670 mln sömlik quriliş-montaj işlari amalga oşirilgani, transport xizmati körsatilgani va quriliş materiallari yetkazib berilgani töğrisida 10 ta soxta elektron hisob-fakturalar rasmiylaştirib, 2 mlrd söm QQS qaytarilişiga erişgan.

Şundan söng talab qilingan pul mablağini ular özlarining jinoiy şeriklari – Qibray tumanida yaşovçi, muqaddam bir neça marotaba sudlangan şaxs va Andijon şahrida istiqomat qiluvçi, muqaddam bir neça marotaba sudlangan fuqaro orqali olgan vaqtlarida ularning noqonuniy harakatlariga çek qöyilgan.

Aniqlanişiça, uşbu şaxslar talab qilingan 340 mln sömni özaro taqsimlab olişlari kerak bölgan.
Mazkur tört nafar fuqaroga nisbatan Jinoyat kodeksining tegişli moddalari bilan jinoyat işi qözğatilgan. Tergov harakatlari doirasida ularning mazkur noqonuniy işga aloqador bölgan soliq idoralaridagi tanişlarini aniqlaş böyiça suriştiruv işlari olib borilmoqda.