“Yöl harakati qoidabuzarliklarini jarima ballari asosida baholaş tizimini joriy etiş töğrisida” hukumat qarori elon qilindi.

6 may kuni imzolangan qaror 1 iyundan kuçga kiradi.

Unga köra, jarima ballari haydovçilarga nisbatan faqat YPX xodimlari tomonidan rasmiylaştirilgan jarimalar asosida, avtomatlaştirilgan tartibda inson omilisiz E-jarima moduli orqali hisoblab boriladi.

Avtomatlaştirilgan foto va video qayd etiş moslamalari orqali aniqlangan qoidabuzarliklar uçun jarima ballari yozilmaydi. Bu masala kameralar qayd etgan qoidabuzarlik vaqtida avtomobil rulidagi şaxsni identifikatsiya qiliş imkoniyati yaratilganidan keyin körib çiqiladi – Içki işlar vazirligi hukumatga bu borada xulosa kiritişi kerak (topşiriqning ijro muddati körsatilmagan).

12 oy mobaynida yöl harakati qoidalarini buzmagan haydovçilarga rağbatlantiriş tariqasida keyingi davrda qoidalarni birinçi marta buzganligi uçun birinçi jarima balli hisoblanmaydi.

Haydovçiga jarima balli yozilganidan keyin u 6 oy davomida boşqa qoidabuzarlik sodir etmasa, uning jarima ballaridan 2 jarima balli çegirib taşlanadi.

Haydovçining hisobidagi jarima ballari 12 oy içida 12 ballga yetib qolsa, tegişli hujjatlar sudga inson omilisiz, avtomatik yuboriladi va haydovçi SMS orqali xabardor qilinadi. Qonunga köra, sud bunday haydovçilarni 6 oydan 3 yilgaça muddatga haydovçilik guvohnomasidan mahrum etadi