“Ишонч қолмади”. Тимур Мусин Ўзбекистондаги учта бизнесини сотувга қўйди

Caravan Group тармоғи асосчиси Тимур Мусин Тошкент шаҳридаги “Палов музейи”, Caravan номли ресторанлари ва Бўстонлиқ туманидаги Cinara’s мажмуасини сотувга қўйди. Бу ҳақдаги эълонлар OLX’да жойлаштирилган.

Жорий йилнинг 13 апрель куни умумий майдони 5800 квадрат метр бўлган беш қаватли “Палов музейи” ресторани сотувга қўйилган. Объект Солор канали бўйидаги 20 сотихли ҳудудни ўз ичига олади. Мажмуа қиймати 150 миллиард сўмга баҳоланган.

Шунингдек, бинони босқичма-босқич – 1100 квадрат метрдан бошлаб сотиш имконияти ҳам мавжуд. Шунингдек, Caravan ресторани 7 сотихли ер майдонида жойлашган бўлиб, бинонинг умумий майдони 1800 квадрат метрни ташкил этади. Маскан қиш мавсумида 250 нафар, ёзда эса 490 нафаргача меҳмонни қабул қилишга мўлжалланган. Объект нархи – 45 миллиард сўм.

Бўстонлиқ туманидаги Cinara’s этнографик мажмуаси эса 80 сотих майдонни эгаллайди, бинолари (нолинчи ва биринчи қаватлар) эса 1400 квадрат метр майдонга эга. Унинг қиймати 99 миллиард сўм этиб белгиланган.
Тадбиркорни ўз бизнесининг бир қисмини сотишга суд жараёнлари ва инвестицияларни йўқотиш хавфи мажбур қилган. Унинг сўзларига кўра, катта миқдорда ресурс сарфланган кенг кўламли этнографик лойиҳа тизимли тўсиқларга дуч келган.

Хусусан, Тимур Мусин YouTube’да Cinara’s меҳмонхонаси ва аквапаркига эга этнографик қишлоқ қуриш лойиҳаси “мураккаб инвестиция муҳити ва чексиз маъмурий тўсиқлар туфайли номаълум муддатга” тўхтатилгани ҳақида пост қолдирган.

“Муҳандислар, архитекторлар, конструкторлар, ландшафт дизайнерларининг батафсил ишлаб чиққан лойиҳаларига, шунингдек, халқаро меҳмонхона бошқарувчилари жамоасининг ажойиб меҳнатига қарамай, бир неча миллион маблағ ва вақт бой берилди. Тегишли тузилмалар томонидан муносиб қўллаб-қувватловнинг йўқлиги лойиҳани ҳозирги шароитда амалга оширишни имконсиз қилиб қўйди. Жамиятга фойда келтиришга қодир бўлган кенг кўламли ташаббус мамлакатдаги “яширин тўсиқлар” ва адлия тизимига урилиб, чил-чил бўлмоқда. Афсуски, айни дамда мавжуд муҳит хусусий инвестицияларни ноқонуний тажовузлар ва рейдерликдан ҳимоя қилишга тайёр эмаслиги маълум бўлди!” дейди тадбиркор.

Saytdan izlash

Saqlangan xabarlar

Tizimga kirish

Ro'yxatdan o'tish

Reset password

Terms of use

Disclaimers

Limitation on Liability

Copyright Policy

General

Maxfiylik siyosati

“Ишонч қолмади”. Тимур Мусин Ўзбекистондаги учта бизнесини сотувга қўйди

“Ишонч қолмади”. Тимур Мусин Ўзбекистондаги учта бизнесини сотувга қўйди

Изоҳ қолдириш

Мавзуга алоқадор:

Банк олдидаги мажбуриятини бажармаганлиги учун бино сотувга қўйилди

Рамзан Қодировнинг 9 ёшли арзандаси 10 млн долларлик саройга эгалик қилади – ОАВ

Хоразмда 3 қаватли дўкон ёниб кетди

Урганчда қалбаки акциз маркали алкоголь ва тамаки маҳсулотлари аниқланди