Özbekistonda kuzatilayotgan kuçli jazirama fonida elektr energiyasi istemoli böyiça yozgi mavsumning yangi rekordi qayd etildi. Bu haqda Energetika vazirligi xabar berdi.

Qayd etilişiça, keça, 13 iyul kuni mamlakatda bir sutkada 281,5 million kilovatt-soat elektr energiyasi işlab çiqarilgan. Şu kuni istemol hajmi esa 278,6 million kilovatt-soatni taşkil etgan.

Mazkur körsatkiç avvalgi yozgi rekorddan 6 million kilovatt-soat yoki 2,2 foizga yuqori bölgan. Bungaça eng yuqori sutkalik istemol 2025 yil 18 iyul kuni qayd etilgan bölib, öşanda mamlakat böyiça 272,6 million kilovatt-soat elektr energiyasi sarflangan.

Vazirlikka köra, yaqin kunlarda havo haroratining yanada kötarilişi sabab elektr energiyasi istemoli va energetika tizimi yuklamasi böyiça yangi rekordlar qayd etilişi mumkin. Şu munosabat bilan energetika korxonalari kuçaytirilgan iş rejimiga ötkazilgan.

Şuningdek, ayrim hududlarda elektr tarmoqlaridagi avariyalar sabab elektr taminotida vaqtinçalik uzilişlar kuzatilişi mumkinligi qayd etilgan.

Energetika vazirligi fuqarolarni elektr energiyasidan oqilona va tejamkor foydalanişga, ayniqsa eng yuqori yuklama soatlarida zarur bölmagan elektr jihozlarini öçirib turişga çaqirgan.

Eslatib ötamiz, avvalroq Özbekistonda joriy hafta oxirigaça jazirama kuçayib, havo harorati ayrim hududlarda 44 darajagaça kötarilişi kutilayotgani haqida xabar berilgan edi. Jazirama sababli Soğliqni saqlaş vazirligi yozning issiq kunlarida aholiga issiq ob-havo tasiridan himoyalaniş va salomatlikka etibor qaratiş böyiça tavsiyalar berdi.

Şuningdek, jazirama sababli Qoraqalpoğiston Respublikasining Nukus şahri va yana 8 tumanidagi boğçalar, Xorazmdagi barça davlat maktabgaça talim taşkilotlari hamda Navoiy viloyatidagi ayrim boğçalar faoliyati vaqtinça töxtatilişi belgilandi.