Prezident elektr va gaz taminotidagi muammolarni hal qilişni topşirdi
Elektr va gaz taminotidagi muammolar kuz-qiş mavsumigaça hal etiladi. Bu haqda bugun, 17 iyul kuni Prezident Şavkat Mirziyoyev yoqilği-energetika sohasida fuqarolar murojaatlarini körib çiqiş hamda ularda kötarilgan muammolarni kuz-qiş mavsumiga tayyorgarlik doirasida bartaraf etiş yuzasidan axborot bilan tanişişi çoğida masullarga topşiriq berdi.
Qayd etilişiça, 2026 yilning birinçi yarmida yoqilği-energetika sohasiga oid 39 ming 220 ta murojaat kelib tuşgan. Bu ötgan yilning mos davriga nisbatan 13 ming 820 ta yoki 26,1 foiz kam. Ularning 50 foizi tabiiy va suyultirilgan gaz, 38,3 foizi elektr taminoti bilan boğliq.
Murojaatlarda asosan suyultirilgan gaz ballonlarini töldiriş, elektr taminotidagi uzilişlar, elektr tarmoqlarini quriş va tamirlaş hamda tabiiy gaz bosimi bilan boğliq masalalar kötarilgan.
Murojaatlarning umumiy soni kamayganiga qaramay, har bir murojaatni alohida holat sifatida emas, balki muayyan hudud, tarmoq yoki xizmatdagi muammoni körsatuvçi muhim signal sifatida örganiş zarurligi takidlangan.
Kuz-qiş mavsumi oldidan takroriy murojaatlar kelib tuşayotgan mahalla va obektlarni xatlovdan ötkaziş, elektr va gaz tarmoqlarining texnik holatini örganiş, aniqlangan kamçiliklarni bartaraf etiş böyiça hududlar kesimida manzilli rejalar işlab çiqiş vazifasi qöyilgan.
Ayniqsa, elektr taminotida uzilişlar köp kuzatilayotgan hududlarda tarmoq va transformatorlarni tamirlaş, avariya brigadalarining şayligini oşiriş, tabiiy gaz bosimi bilan boğliq muammolar mavjud joylarda taminot barqarorligini taminlaş muhimligi qayd etilgan.
Şuningdek, suyultirilgan gaz ballonlarini töldiriş va aholiga yetkazib beriş grafiklariga qatiy rioya qiliş, ehtiyoj yuqori bölgan hududlarda qöşimça zaxira va imkoniyatlarni safarbar etiş zarurligi körsatib ötilgan.
Davlat rahbari mutasaddilarga murojaatlarda kötarilgan tizimli muammolarni kuz-qiş mavsumi boşlanguniga qadar hal etiş, bunda mahalliy hokimliklar, “mahalla yettiligi” hamda kommunal xizmat körsatuvçi taşkilotlar bilan birgalikda tizimli iş olib boriş zarurligiga urğu berilgan.
Mavsumga tayyorgarlik işlarini muddatida va sifatli yakunlaş, aholi hamda ijtimoiy soha obektlariga tabiiy va suyultirilgan gaz, şuningdek, boşqa yoqilği resurslarini barqaror yetkazib beriş böyiça tegişli körsatmalar bergan.