Özbekistonda taşqi bozorga çiqişning barça bosqiçlarida kompleks xizmat körsatadigan “eksport navigator” tizimi yölga qöyiladi. Bu haqda bugun, 18 avgust kuni Prezidentning Xivada bölib ötayotgan tadbirkorlar bilan oçiq muloqotida malum qilindi.

Qayd etilişiça, törtinçi yönaliş – eksport salohiyatini oşiriş va milliy brendlarni taşqi bozorlarga olib çiqiş. Prezident taşqi bozorda har bir dollar eksport uçun kuçli raqobat ketayotganini takidlagan.

Örganişlarga köra, eksportçilarning 40 foizi xorijlik mijoz topişga, 36 foizi standart va sertifikatsiya talablariga moslaşişga qiynalmoqda. 37 foizida qulay moliyaviy instrumentlar, 33 foizida bozor, marketing va brend böyiça könikmalar yetişmaydi.

Şu bois, taşqi bozorga çiqişning barça bosqiçlarida kompleks xizmat körsatadigan “eksport navigator” tizimi yölga qöyiladi. Xorijda talab yuqori bölgan 100 ta mahsulotning röyxati şakllantiriladi.

Har bir mahsulot böyiça taşqi bozordagi raqobatçilar, tarif tizimi va logistika yeçimlari işlab çiqiladi. 2 mingta korxonaning işlab çiqariş jarayoni taşqi bozor va xaridor segmentiga moslaştiriladi.

Tadbirkorlarga xorijiy brendmeyker jalb qiliş xarajatining yarmi – 500 ming dollargaça qoplab beriladi. Milliy brendni taşqi bozorda tarğib qiliş va xalqaro talablarga moslaştiriş uçun 50 ming dollargaça subsidiya ajratiladi.

Marketpleyslarda omborga joylaştiriş va sotiş xarajatining yarmi, xalqaro tenderlar uçun konsalting xarajatining 80 foizi kompensatsiya qilinadi. Eksportçilarni qöllab-quvvatlaşning yagona tizimiga kamida 1 milliard dollar yönaltiriladi.