Donald Tramp özbekistonliklarni Mustaqillik kuni bilan tabrikladi
AQŞ Prezidenti Donald Tramp Özbekiston Prezidenti Şavkat Mirziyoyevga va mamlakat xalqiga davlat mustaqilligining 35 yilligi munosabati bilan tabrik yölladi. Bu haqda Özbekiston yetakçisining matbuot xizmati xabar berdi.
“Amerika xalqi nomidan sizga va Özbekiston xalqiga mamlakatingiz mustaqilligining 35 yilligi munosabati bilan samimiy tilaklarimni yöllayman. Uşbu şonli sana Özbekistonning boy tarixi va yuksak madaniyatini yana bir bor yodga oliş uçun muhim va ayni muddao bölgan fursatdir”, deyiladi tabrik xatida.
Şuningdek, maktubda aytilişiça, Özbekiston muhim va manzilli islohotlarni amalga oşirayotgani sari strategik şeriklik ham izçil ravişda kengayib, rivojlanib bormoqda. Ötgan yil davomida mamlakatlar umumiy manfaatlarni ilgari suriş, jumladan, çegaralar xavfsizligini taminlaş, ikki tomonlama savdo va investitsiyalarni oşiriş, energetika sohasidagi aloqalarni mustahkamlaş hamda mintaqaviy boğliqlikni kengaytiriş yölida salmoqli işlarni amalga oşirilgan.
“Qöşma Ştatlar hamkorlikning yangi yönalişlarini örganar ekan, ikki tomonlama munosabatlarimizni yanada mustahkamlaşdan umidvordir. Mustaqillik bayramini nişonlar ekansiz, sizga va Özbekiston xalqiga eng ezgu tilaklarimni bildiraman”, deyiladi maktubda.