Bugun, 16 sentyabr “Markaziy Osiyo – Koreya Respublikasi” formatidagi birinçi sammit doirasida Özbekiston Respublikasi Birinçi xonimi Ziroat Mirziyoyeva Koreya Respublikasi Birinçi xonimi Kim Xe Gyon va Qirğiz Respublikasi Birinçi xonimi Aygul Japarova bilan birgalikda “Çong Va De” qarorgohida ötkazilgan madaniy dasturda iştirok etdi. Bu haqda Ziroat Mirziyoyevaning Telegram kanalida xabar berildi.

Qayd etilişiça, dastur avvalida Birinçi xonimlar ananaviy çoy marosimi davomida madaniy muloqotning, milliy ananalarni asrab-avaylaşning hamda Markaziy Osiyo mamlakatlari va Koreya Respublikasi örtasidagi gumanitar aloqalarni yanada mustahkamlaşning ahamiyati yuzasidan fikr almaşgan.

Şundan söng yuqori martabali mehmonlarga Koreyaning boy madaniy merosi bilan taniştiruvçi kontsert dasturi namoyiş etilgan. Dasturdan ananaviy koreys raqslari va musiqiy asarlar örin olgan.

Eslatib ötamiz, avvalroq Şavkat Mirziyoyevning Koreya Respublikasiga davlat taşrifi doirasida mamlakat Birinçi xonimi Ziroat Mirziyoyeva Koreya Birinçi xonimi Kim Xe Gyon hamrohligida Koreya Milliy saroy muzeyiga taşrif buyurgani haqida xabar berilgan edi.