Andijonda Qirğiziston bilan çegaradagi “Keskanyor” posti oçiladi
Özbekiston Qirğiziston bilan “Döstlik” postiga nisbatan ikki barobar katta “Keskanyor” çegara postini oçiş böyiça kelişuvga erişdi. Bu haqda bugun, 24 sentyabr kuni Prezident Şavkat Mirziyoyev raisligida ötkazilayotgan Andijon viloyatini ijtimoiy-iqtisodiy rivojlantiriş, tadbirkorlikni qöllab-quvvatlaş va aholi daromadlarini oşiriş masalalari böyiça yiğilişda malum qilindi.
Yiğilişda Andijonning transport va logistika imkoniyatlarini kengaytiriş böyiça yirik loyihalar belgilangan.
“Xitoy – Qirğiziston – Özbekiston” temir yöli hisobiga yuk taşiş hajmini 10 karra oşirib, yiliga 15 million tonnaga yetkaziş imkoni paydo böladi. Şu munosabat bilan yil yakunigaça Qörğontepa va Xonoboddagi 300 gektar maydonda 600 million dollarlik logistika kompleksi loyihasini boşlaş topşirilgan.
Qirğiziston bilan “Döstlik” postiga nisbatan ikki barobar katta “Keskanyor” çegara postini oçiş böyiça kelişuvga erişilgani qayd etilgan. Uç oyda uning loyihasini işlab çiqib, qurilişni boşlaş vazifasi qöyilgan. Bu yuk taşiş hajmini 2-3 karra oşiriş va muddatini bir haftaga qisqartirişga xizmat qiladi.
Yangi transport oqimiga mos ravişda 78 kilometrli “Xonobod – Andijon” pulli avtomobil yölini loyihalaşga kirişiladi.
Şu oydan “Toşkent – Andijon” tezyurar poyezdi yölga qöyilib, safar vaqti 6 soatdan 4 soatga qisqardi. Kelgusi yil “Toşkent – Andijon” pulli avtomobil yölini quriş böyiça amaliy işlar boşlanadi.