Marko Rubio Özbekistonga keladi
Joriy yilning oktyabr oyi örtalarida AQŞ Davlat kotibi Marko Rubio Samarqandga keladi. Bu haqda keça, 24 sentyabr kuni AQŞ Prezidentining Janubiy va Markaziy Osiyo böyiça maxsus vakil Serjio Gor malum qildi.
“AQŞ–Markaziy Osiyo strategik şerikligini rivojlantiriş hamda ikki tomonlama diplomatik va savdo hamkorligini mustahkamlaş maqsadida AQŞ Davlat kotibi Marko Rubio oktyabr oyi örtalarida Samarqandga 100 dan ortiq Amerika kompaniyalaridan iborat tarixiy biznes delegatsiyasiga boşçilik qilişini faxr bilan elon qilaman”, deb yozdi Gor öz saytida.
Uning bildirişiça, taşrif davomida Rubio Qozoğiston, Qirğiz Respublikasi, Tojikiston, Turkmaniston va Özbekiston Taşqi işlar vazirlari bilan birgalikda C5+1 vazirlar uçraşuvida iştirok etadi. Muhokamalar C5+1 formati doirasida mintaqaviy iqtisodiy boğliqlikni çuqurlaştiriş, energetika xavfsizligini mustahkamlaş va umumiy mintaqaviy ustuvor yönalişlar böyiça hamkorlikdagi yeçimlarni ilgari surişga qaratiladi.
Şuningdek, Rubio savdoni kengaytiriş, xususiy sektor investitsiyalarini rağbatlantiriş va butun Markaziy Osiyo böylab iqtisodiy modernizatsiyani qöllab-quvvatlaş masalalarini muhokama qiliş uçun Özbekiston rahbariyati va mintaqadagi mavqedoşlari bilan uçraşadi.