​Putinning reytingi pasaymoqda

Rossiya Prezidenti Vladimir Putinning reytingi pasayişda davom etmoqda. Rossiyaliklar may oyining örtalarida u sönggi bir yil içida eng yomon işlagan deb hisoblamoqda. Bu haqda keça, 22 may kuni Rossiya Jamoatçilik fikri fondi statistikasida keltirilgan.

Rossiya fuqarolari Prezident Vladimir Putin may oyining örtalarida prezident sifatida sönggi bir yil içidagi eng yomon iş faoliyatini körsatgan, deb hisoblamoqda.

15–17 may kunlari ötkazilgan sörov natijalariga köra, sörovda qatnaşgan rossiyaliklarning 71 foizi Vladimir Putinning Prezident sifatidagi işini “köproq yaxşi” deb baholagan. Bu sönggi bir yil içidagi eng past körsatkiç hisoblanadi.
Yana 14 foiz respondentlar Putinning işini “köproq yomon” deb baholagan – bu esa sönggi bir yil içidagi eng yuqori salbiy körsatkiçdir.

Jamoatçilik fikri fondi malumotiga köra, Putinga bölgan işonç darajasi ham ikkinçi marta yil davomida eng past darajaga tuşgan – respondentlarning faqat 71 foizi prezidentga “köproq işonaman” deb javob bergan. Avval bu körsatkiç mart oxirida ham şu darajaga tuşgan edi, undan oldin esa 76 foizdan yuqori bölgan.
Yangi sörovda 17 foiz respondentlar Putinga “köproq işonmayman” deb javob bergan – bu mart oyining oxiridan beri eng yuqori körsatkiçdir.

Boşqa taşkilot ham şu bilan bir vaqtda boşqa malumotlarni elon qilgan. Ularning 11–17 may oraliğida ötkazgan söroviga köra, Vladimir Putinning faoliyatini maqullaş darajasi 69,4 foizni taşkil etgan. Bu avvalgi haftaga nisbatan 2,6 foiz punktga yuqoridir.

Taşkilot malumotiga köra, Putin reytingi ketma-ket ikkinçi hafta ösmoqda. Bu ösiş sotsiologlar nafaqat telefon orqali, balki respondentlar uylariga borib sörov ötkaza boşlaganidan keyin kuzatilgan.
Öz navbatida, Vladimir Putin reytinglar pasayişi fonida deputatlar va senatorlarni faqat taqiqlovçi qonunlarga “yopişib olmaslikka” çaqirgan.