AQŞ viza suhbati uçun pullik xizmatni joriy etadi
10-06-2026, 11:27
66 марта

AQŞ viza suhbati uçun pullik xizmatni joriy etadi
AQŞ Davlat departamenti biznes va sayyohlik vizasi olişni istovçilar uçun yangi pullik xizmatni işga tuşirmoqda. Unga köra, arizaçilar qöşimça 750 dollar tölaş evaziga viza suhbatiga ança tezroq yoziliş imkoniyatiga ega böladi. Bu haqda “Associated Press” xabar berdi.Yangi dastur joriy yilning 1 iyulidan 31 dekabrigaça amal qiladi. Xizmatdan foydalangan şaxslar AQŞning ayrim elçixona va konsulliklarida tölov amalga oşirilganidan keyin 10 kun içida suhbat sanasini olişi mumkin böladi. Bunda 750 dollarlik tölov amaldagi 185 dollarlik viza yiğimidan taşqari undiriladi.
Qayd etilişiça, sönggi yillarda AQŞga kiriş tartibining murakkablaşişi viza rasmiylaştiriş jarayonlarida keçikişlarga sabab bölgan. Ayrim davlatlar fuqarolari uçun qöşimça tekşiruvlar joriy etilgan, oqibatda köplab mamlakatlarda viza suhbatini kutiş muddati bir neça oyga çözilgan. Yangi xizmat uşbu muammoni qisman bartaraf etişga qaratilgan. Biroq qöşimça tölov viza berilişini kafolatlaşini anglatmaydi. Uşbu tölov faqat suhbat jarayonini tezlaştirişga yordam beradi. Arizaçilar odatdagi tartibda tekşiruvdan ötadi va yakuniy qaror konsullik xodimlari tomonidan qabul qilinadi.