Modellik skautlari dunyo böylab yangi çehralarni izlaş jarayonida birin-ketin yöllagan elektron xatlarida öz yangiliklarini kutilmagan bir şaxs – uşbu sohada heç qanday rasmiy lavozimga ega bölmagan, jinsiy jinoyatlarda ayblangan Jeffri Epşteyn bilan baham körgan. Bu haqda CNN xabar berdi.

Naşrning yozişiça, skautlardan biri modellikka nomzodlardan birini Epşteynga “siz bilan uçraşişdan xursand böladigan şiringina frantsuz qizi” deya maqtagan va Skandinaviyadan bölgan 16-17 yoşli potentsial modellar guruhi “keyingi yilga tayyor bölişini” aytgan. Boşqa bir rekruter esa “sayohatga tayyor” bölgan 19 yoşli rossiyalik qizni tavsiya qilgan, yana biri esa yoş modelni “eng yaxşi qiz” deya köklarga kötargan.

“U men sizga berişni rejalaştirib yurgan sovğam”, deb yozgan rekruter.

Obrösizlangan moliyaçi bilan aloqada bölganlar faqat uşbu professionallar bilangina çeklanib qolmagan. CNN AQŞ Adliya vazirligi tomonidan elon qilingan köplab hujjatlarni örganib çiqib, Epşteyn va modellik industriyasi insayderlari, jumladan, agentlik rahbarlari, mamurlar va rekruterlar örtasidagi aloqalarning kölamiga doir yangi tafsilotlarni aniqlagan.

Hujjatlar jinsiy jinoyatçi va dunyo miqyosidagi uşbu sohaning ayrim vakillari örtasidagi özaro manfaatli munosabatlarni körsatadi: Epşteyn pul, professional aloqalar va AQŞ vizasini olişda yordam bergan, modellik sohasi xodimlari esa uni yoş, xorijlik ayollar bilan taminlagan – ularning aksariyati hozirda Epşteyn tomonidan jinsiy zöravonlikka uçraganini aytmoqda.

Hatto Epşteyn 2008 yilda jinsiy jinoyatlarda aybdor deb topilganidan keyin ham, modellik sohasi insayderlari u bilan qöşma biznes loyihalarini boşlaş yöllarini izlaşda davom etgan, uni moda namoyişlariga taklif qilişgan va öz kompaniyalari bilan hamkorlik qilişiga ruxsat bergan. Bu esa Epşteynga u ölja sifatida nişonga olgan modellarning karerasini belgilab bera oladigan nufuzli rahbar qiyofasini taqdim etgan.

CNN körib çiqqan elektron xatlar şuni körsatadiki, sohaning kamida olti nafar taniqli vakili röyxatda turgan jinsiy jinoyatçini yoş modellar bilan boğlaşga qayta-qayta uringan. Ularning ayrim xabarlarida jinsiy işoralar mavjud bölsa, boşqalari oddiy kasbiy tavsiyalardek köringan. Hujjatlar, şuningdek, köplab boşqa insayderlar ham Epşteyn bilan döstona yozişmalar olib borganini körsatadi.

Epşteynning ayrim şeriklariga nisbatan jinoiy ayblovlar qöyilgan, ular orasida moliyaçining taniqli qurbonlaridan biri tomonidan zöravonlikda ayblangan frantsiyalik modellik agenti Jan-Lyuk Bryunel ham bor. Bryunel 2008 yilda voyaga yetmaganlarni zörlaganlik aybi bilan hibsga olinganidan keyin, 2022 yilda Parij qamoqxonasida öz joniga qasd qilgan. U ayblovlarni rad etgan.

Adliya vazirligi hujjatlarida nomlari keltirilgan boşqa modellik insayderlari heç qanday qonunbuzarlikda ayblanmagan va ular Epşteynning jinoyatlaridan bexabar bölganliklarini davo qilgan. Köpçilik Epşteynni moda olamida qonuniy va nufuzli şaxs deb bilganini, bunga uning Victoria’s Secret brendining sobiq egasi bilan aloqalari sabab bölganini aytgan.

Daniel Siad ismli professional modellar rekruteri Epşteynni bir neçta modellar bilan uçraştirişni taşkillaştirib bergan – ulardan ikki nafari CNN’ga Epşteyn ularni zörlaganini aytgan. Siad bergan intervyusida uşbu ayollarga zarar yetkazilayotganiga işoniş uçun unda heç qanday asos bölmaganini takidlagan. Siadning sözlariga köra, Epşteyn uni öz jinoyatlari uçun jazosini ötab bölganiga va u tavsiya qilgan “heç bir inson bilan bunday holat takrorlanmasligiga” işontirgan.

“Men unga taniştirgan va keyinçalik yonimga qaytib, yomon vaziyatga tuşib qolganini aytgan birorta ham odamdan bunday gap eşitmaganman. Men bu odamni professional şaxs deb hisoblagandim”, deydi Siad.

Biroq Adliya vazirligi hujjatlari Siad Epşteynga yoş ayollarni şunçaki modellik imkoniyatlari uçun tavsiya qilmaganini körsatmoqda. 2018 yildagi xabarlardan birida u Epşteyn uçun “kelişgan yoş yordamçi qiz” qidirayotganini yozgan. Şuningdek, u öz sayohatlari davomida uçratgan yoş ayollarning suratlarini, jumladan, ularning bazi behayo suratlarini ham Epşteynga muntazam ravişda yuborib turgan.

Siadning bugungi kunda fikr bildirişiça, Epşteyn uni aldagan “xameleon” bölgan. U Epşteyn öziga kasting direktori sifatida taniştirilganini va Epşteyn undan alohida tarzda yordamçi topişda kömak söraganini bildirgan.

Epşteynning uşbu soha bilan aloqalari hozirda qonun çiqaruvçilar va huquqni muhofaza qiliş organlari, jumladan, Parij boş prokurorining sözlariga köra, joriy yilda Parijda boşlangan va Siadga tegişli malumotlarni örganayotgan jinoiy suriştiruvning bir qismi hisoblanadi. Ikki nafar sobiq model CNN’ga u yerdagi tergovçilarga Siad haqida körsatma berganliklarini malum qilgan, Siadning özi esa qonunbuzarlik qilganini rad etmoqda.

Eslatib ötamiz, avvalroq Bill Geyts Kongressdagi körsatmasida Jeffri Epşteyn uni nikohdan taşqari munosabatlari haqidagi malumotlar orqali bosim ostiga olganini bildirgandi.