Amerika Qöşma Ştatlarining yangi mamuriyati tomonidan qöllanilayotgan tarif siyosati nafaqat özgarişlar va çeklovlar, balki imkoniyatlar va yeçimlarga ham zamin yaratadi. Bu haqda Qozoğiston Respublikasi Prezidenti Qosim-Jomart Töqayev bugun, 21 may kuni Vengriya poytaxti Budapeşt şahrida bölib ötgan Turkiy Davlatlar Taşkilotining norasmiy sammitidagi nutqida söz oçdi.

Qozoğiston rahbari sönggi tarif siyosatidagi tartiblar munosabati bilan jiddiy özgarişlar röy berayotgan jahon savdosidagi vaziyatga töxtaldi. U bunday holatlar ham qiyinçiliklar, ham yangi imkoniyatlar tuğdirayotganini eslatib, qiyinçiliklarni yengiş uçun sanoat, transport va logistika, qişloq xöjaligi va raqamlaştiriş kabi muhim tarmoqlardagi say-harakatlarni birlaştirişni taklif qildi. 
Töqayev Örta yölakni Şarq va Ğarb örtasidagi transport köprigiga aylantirişni strategik vazifa deb atadi. 

“Qozoğiston Qirğiziston va Özbekiston bilan çegaralardagi tartiblarni raqamlaştiriş, tranzitni soddalaştiriş va logistika infratuzilmasini modernizatsiya qiliş, jumladan, Xitoy bilan çegarada uçinçi temir yöl nazorat punktini oçiş böyiça çoralar körmoqda”, deydi u. 

Qozoğiston Prezidenti birlaşgan hududiy hamjamiyat tarkibiga kiruvçi mamlakatlarni yirik infratuzilma loyihalarini, jumladan, Turkiy mintaqaning asosiy tranzit xab sifatidagi mavqeini sezilarli darajada mustahkamlaydigan Şimol-Janub yönalişidagi loyihalarni birgalikda amalga oşirişga çaqirdi. 
Prezident şuningdek, neft, gaz, uran va boşqa tovarlarni yetkazib beriş zanjirlarini diversifikatsiya qiliş uçun Taşkilot salohiyatidan foydalaniş zarurligini urğuladi. U Ozarbayjon Prezidenti Ilhom Aliyevga Qozoğistonning Yevropaga neft eksportini oşiriş borasidagi say-harakatlarini qöllab-quvvatlagani uçun minnatdorlik bildirdi. 
Bundan taşqari, davlat rahbari sönggi paytlarda xalqaro ekspertlar Transkaspiy neft-gaz quvurini quriş taşabbusini muhokama qilayotganini qayd etdi. Uning sözlariga köra, bunday yirik loyihalar transmilliy darajada muvofiqlaştirilgan harakatlarni talab qiladi.