Voronejdagi muhim harbiy zavodga raketa zarbasi berildi
Bugun, 22 iyun kuni Ukraina Qurolli kuçlari Harbiy-havo kuçlari bölinmalari Rossiyaning Voronej şahridagi raketa komponentlari işlab çiqaradigan zavodga zarba berdi. Bu haqda harbiy idoraga tayanib, RBK-Ukraina xabar berdi.
Harbiylarning bildirişiça, zarba beriş uçun yuqori aniqlikdagi qanotli raketalardan foydalanilgan.

“Uşbu korxona Rossiya harbiy-sanoat majmuasining öta muhim elementi hisoblanadi. Unda Rossiya raketalari, xususan, “Iskandar” tezkor-taktik raketa majmualari uçun işlatiladigan elektronika mahsulotlari işlab çiqariladi”, deyiladi bayonotda.
Bundan taşqari, Rossiya korxonasi işlab çiqariş kooperatsiyasi doirasida raketa qurollari va havo mudofaa tizimlari uçun quyidagi komponentlarni yetkazib beradi:
- X-101 qanotli raketalari uçun tranzistorli bloklar va matritsalar;
- “Iskandar-K” majmuasi raketalarining bort hisoblaş maşinalari uçun detallar;
- “Pantsir-S1” zenit majmualarining televizion kanallari uçun elektronika.
“Uşbu zavod mahsulotlaridan duşman töğridan töğri yuqori aniqlikdagi boşqariladigan qurollarni işlab çiqarişda foydalanadi. Rossiya bosqinçilari aynan şu qurollar yordamida Ukraina hududiga zarbalar berib, tinç aholini halok qilmoqda”, deyiladi Boş ştab bayonotida.


Ukrainaliklarning qayd etişiça, zavod quvvatlarining yöq qilinişi yangi raketalar işlab çiqariş imkoniyatini sezilarli darajada yomonlaştiradi.
Eslatib ötamiz, avvalroq Ukrainaning uç yuzdan ortiq droni Rossiya hududiga zarba bergani haqida xabar qilingan edi. Dronlar Belgorod, Bryansk, Volgograd, Voronej, Kaluga, Kursk, Rostov, Tambov, Tver, Tula, Smolensk viloyatlari, şuningdek, Moskva viloyati, Krasnodar ölkasi, Qrim, Azov va Qora dengizlar uzra urib tuşirilgan.