Qirğiziston va Qozoğiston 49 yil muddatga yer almaşadi
Qozoğiston Senati Ostona va Bişkekda elçixonalar hamda elçilarning qarorgohlari uçun yer uçastkalari va binolarni 49 yil muddatga bepul almaşişini nazarda tutuvçi kelişuvni maqulladi. Bu haqda “Tengrinews” xabar berdi.
Ratifikatsiya qilingan hujjatga köra, ikkala mamlakat elçixonalarni hamda favqulodda va muxtor elçilarning rasmiy qarorgohlarini joylaştiriş uçun maydonlarni beğaraz asosda taqdim etadi.
Uşbu kelişuvning boş maqsadi özaro manfaatdorlik va paritet (tenglik) tamoyillari asosida diplomatik missiyalarning faoliyat yuritişi uçun maksimal darajada qulay şaroitlar yaratişdan iborat.
Köçmas mulk obektlari va yer maydonlari tomonlarga 49 yil muddatga uzoq muddatli foydalaniş uçun topşiriladi. Uşbu almaşinuv doirasida Qirğiziston tomoni Ostona şahrida elçixona binosini quriş uçun 0,74 gektar maydonga ega yer uçastkasini, şuningdek, dipmissiya rahbari qarorgohi uçun maydoni 1267 kvadrat metr bölgan alohida kottejni oladi.
Öz navbatida, Qozoğistonga Bişkek şahrida elçixona ehtiyojlari uçun 0,75 gektar yer hamda elçining yaşaşi uçun maydoni 531 kvadrat metr bölgan kottej ajratiladi. Har bir obektga tutaş bölgan alohida hudud biriktirilgan.
Eslatib ötamiz, avvalroq Özbekistonga qaraşli Çönğara va Toş-Tepa qişloq aholi punktlari davlat çegarasini demarkatsiya qiliş doirasida Qirğiziston tarkibiga ötkazilgani haqida xabar berilgan edi.