Maşhur jurnalist hamkasbini liftda zörlagani uçun aybdor deb topildi
Hindiston sudi maşhur “Tehelka” jurnalining sobiq boş muharriri Tarun Tejpalni hamkasbini zörlaganlikda aybdor deb topdi. Bu haqda Britaniyaning “The Guardian” naşri xabar berdi.
Qayd etilişiça, bugun, 6 avgust Mumbay sudi 2021 yilda Tejpalga nisbatan çiqarilgan oqlov hukmini bekor qilgan. Jurnalist 2013 yil noyabr oyida Goa ştatidagi beş julduzli mehmonxona liftida korporativ tadbir vaqtida hamkasbini zörlaganlikda ayblangan.

Dastlab Goa sudi uni zörlaş, jinsiy tegajoğlik va ozodlikni noqonuniy çeklaş ayblovlari böyiça oqlagan. Biroq ştat hukumati uşbu qaror ustidan şikoyat qilgan va Mumbay Oliy sudi ayblov hukmini çiqargan.
“Bu ayol öz huquqlarini himoya qila olgan hukmdir... Şu sababli uşbu qaror har qanday sohada mehnat qilayotgan ayollar uçun juda muhim”, deydi iş böyiça tergov olib borgan politsiya tergovçisi Sunita Savant.
Tejpalga jazo hukmi keyinroq elon qilinadi. Erkak ayblovlarni rad etmoqda va yuqori turuvçi sudga şikoyat qilişi mumkin.
Tejpal atrofidagi mojaro ananaviy ravişda ayollar huquqlari va ijtimoiy adolatni himoya qilib kelgan “Tehelka” jurnalining obrösiga jiddiy putur yetkazgan. Jurnal yangi rahbariyat bilan öz işini davom ettirmoqda.
Eslatib ötamiz, avvalroq Pokistonning sobiq davlat vaziri va yaqinda parlament deputati etib qayta saylangan Ruxsar Ahmad Buyuk Britaniyada 1990-yillarda voyaga yetmagan qizlarni zörlaş va odam savdosi bilan boğliq iş yuzasidan tergov qilinayotgani haqida xabar berilgan edi.