Yonayotgan Wildberries: Ukraina yana logistika markazini nişonga oldi
Bugun, 26 avgust tongida Rossiyaning Tambov viloyatidagi Kotovsk şahrida Wildberries logistika markazi Ukraina dronlari hujumi oqibatida yonib ketdi. Bu haqda Tambov viloyati gubernatori Yevgeniy Pervişov malum qildi.
Uning sözlariga köra, avval yonğin maydoni 40 ming kvadrat metr ekani xabar qilingan, keyinroq bu körsatkiç 100 ming kvadrat metrdan oşgan. Dastlabki malumotlarga köra, hujum oqibatida markazning bir xodimi jarohatlangan, u portlaş tölqini tasirida miya çayqalişi olgan.
Pervişovning takidlaşiça, hujum haqida signal olingaç, barça xodimlar tezkorlik bilan evakuatsiya qilingan. Şuningdek, tun davomida Kotovsk şahri yaqinida 16 ta dron urib tuşirilgani aytilgan.
Wildberries matbuot xizmati obektda yangi tovarlarni qabul qiliş amalga oşirilmaganini malum qilgan.
Eslatib ötamiz, bu Kotovskdagi Wildberries logistika markaziga sönggi vaqtlardagi ikkinçi hujum hisoblanadi. 18 iyul kuni markazga qilingan hujumda 7 nafar xodim halok bölgan, yana 23 kişi şifoxonaga yotqizilgan edi.
Rossiyaning turli hududlaridagi Wildberries logistika markazlari avval ham dronlar hujumiga uçragan. 24 avgustga ötar keçasi esa Ozon’ning Maxaçqala, Krasnodar va Adigeyskdagi uçta logistika markazi ham dronlar hujumiga uçragandi.