Ramzan Qodirov Çeçeniston rahbari saylovida rekord darajadagi 99,85 foiz ovoz oldi. Bu haqda Markaziy saylov komissiyasi (MSK) xabar berdi.

2016 yildagi saylovlarda u rasmiy malumotlarga köra 94,8 foiz, 2021 yilda esa 99,7 foiz ovoz töplagan. Qodirov Çeçeniston Respublikasi rahbari lavozimini esa 2007 yildan beri egallab kelmoqda. 2025 yilning may oyida Rossiya Prezidenti Vladimir Putin bilan uçraşuv oldidan u öz istefosi masalasini muhokama qilmoqçi ekanini malum qilgan edi. Biroq Qodirovning sözlariga köra, Putin unga: “Biz hali işlaşimiz va yana işlaşimiz kerak”, degan. 

“Oliy Boş qömondonning buyruğini bajaryapman!” degan Çeçeniston rahbari. 

Bungaça “Novaya gazeta Yevropa” naşri manbalarga tayanib, meda osti bezi nekrozi taşxisi qöyilgan Qodirovning salomatligi keskin yomonlaşgani haqida xabar bergan. Naşr suhbatdoşlarining aytişiça, u respublikani tark etmay qöygan va deyarli butun vaqtini Grozniydagi “Aymed” klinikasida şifokorlarning doimiy nazorati ostida ötkazmoqda.

Joriy yilning avgust oyida esa “Mojem obyasnit” loyihasi Çeçeniston rahbari omma oldida ança kam köriniş bera boşlagani haqida yozgan. Xususan, u Putin nutq sözlagan “Edinaya Rossiya” sezdiga bormagan va deyarli 20 yillik boşqaruvi davomida birinçi marta Davlat dumasiga saylovlarda çeçen yagona rossiyaliklar guruhiga boşçilik qilmagan. Şuningdek, Qodirovning jadvalidan uzoq intervyular va boşqa hududlarga taşriflar yöqolgan.

Eslatib ötamiz, avvalroq Ramzan Qodirov Ukrainaga qurol-yaroğ yetkazib berayotgan va turliça qöllab-quvvatlayotgan davlatlarga harbiy yöl bilan javob qaytarişga çaqirgandi.