Qirğizistonda voyaga yetmaganlarning ijtimoiy tarmoqlardan foydalanişini çeklaş masalasi körib çiqilmoqda. Bu haqda mamlakat Maorif vaziri Dogdurqul Kendirbayeva malum qildi.

Qayd etilişiça, vazir bu haqda Jogorku Keneşning tegişli qömitasi yiğilişida gapirgan. Kendirbayeva bolalarning internetda kattalar nazoratisiz qolayotgani va u yerdan qanday malumot olayotganini nazorat qiliş qiyinligini takidlagan. Uning aytişiça, masala ayniqsa boşlanğiç sinf öquvçilari uçun muhim.

Vazir Qirğizistonda maktablarda mobil telefonlardan foydalanişga allaqaçon çeklovlar joriy etilganini eslatgan. Unga köra, öquvçilar dars vaqtida telefonlardan faqat ayrim hollarda, öqituvçi nazorati ostida foydalanişi mumkin.

Kendirbayeva dunyoning ayrim davlatlarida voyaga yetmaganlarning ijtimoiy tarmoqlardan foydalanişiga çeklovlar joriy qilinganini ham qayd etgan.

Eslatib ötamiz, avvalroq Qozoğiston hukumati tomonidan 16 yoşdan kiçik bölgan foydalanuvçilarning ijtimoiy tarmoqlarda röyxatdan ötişini taqiqlaşni nazarda tutuvçi qonun loyihasi işlab çiqilgani haqida xabar berilgan edi.