Ukrainada endi 60 yoşdan kattalar ham uruşga borişi mumkin

Endi Ukrainada 60 yoşdan oşgan fuqarolar ham mamlakat Qurolli kuçlari safida şartnoma asosida xizmat qilişi mumkin. Bu haqdagi qonunni bugun, 29 iyul kuni mamlakat Prezidenti Vladimir Zelenskiy qabul qildi.
Qonunga köra, harbiy holat davrida harbiy bölinma komandirining yozma roziligi bilan 60 yoşdan katta bölgan, harbiy-tibbiy komissiya tomonidan xizmatga yaroqli deb topilgan erkaklar şartnoma asosida xizmatga olinişi mumkin. Hujjatga köra, bunday şaxslar oddiy harbiy xizmatçi, serjant, katta serjant, kiçik va katta ofitser lavozimlarida xizmat ötaşlari mumkin.

Bu yoşdagi şartnoma asosidagi xizmat muddati bir yil bilan çeklanadi, ammo keyinçalik yangi şartnoma tuziş imkoni bor. Ofitserlar esa faqat Ukraina Qurolli kuçlari Boş ştabining roziligi bilan xizmat şartnomasini imzolay oladi.

Qonun, şuningdek, uşbu toifadagi fuqarolar uçun ikki oylik sinov muddatini belgilaydi. Agar sinovdan öta olmasa, şartnoma bekor qilinadi. Bundan taşqari, Ukrainadagi harbiy holat tugatilgan taqdirda, şartnoma amal qilmay qoladi.

Malumot uçun, şu paytga qadar Ukrainada 25 yoşdan 60 yoşgaça bölgan erkaklar harbiy xizmatga borişga majbur edi. 
60 yoşdan kattalarni ham şartnoma asosida harbiy xizmatga jalb qilişga ruxsat beruvçi qonun loyihasi aprel oyida bir guruh deputatlar tomonidan parlamentga kiritilgan edi.