Oq uyda va boşqa joylarda Amerika bayroği yarimga tuşirildi

Ijtimoiy tarmoqlarda AQŞning hukumat idoralarida, şuningdek Oq uyda mamlakat bayroği yarmigaça tuşirilgani aks etgan suratlar tarqaldi. Bu suratlar ayniqsa Qöşma Ştatlar Prezidenti Donald Trampning “vafot etgani” haqidagi miş-mişlar tarqalgan bir paytda köp tarqala boşladi.

AQŞ rahbari Tramp Minneapolisdagi katolik maktabi va çerkovidagi otişma qurbonlari xotirasiga 27 avgust kunidan 31 avgust kuni oxirigaça hukumat binolarida bayroqlarni yarmigaça tuşirişni buyurdi.

Unga köra, AQŞning barça elçixonalari, vakolatxonalari, konsullik muassasalari va xorijdagi boşqa obektlari, jumladan, barça harbiy qismlar, harbiy-dengiz kemalari va stantsiyalarda bir xil muddatda AQŞ bayroği yarmiga tuşirilgan holatda hilpiratiladi.

“2025 yilning 27 avgustida Minnesota ştatining Minneapolis şahrida sodir etilgan bemani zöravonlik qurbonlari şarafiga Oq uyda, barça jamoat binolari va maydonlarida, barça harbiy postlar va harbiy-dengiz bazalarida, şuningdek, Amerika Qöşma Ştatlari federal okrugi va uning butun Kolumbiya okrugidagi dengiz flotida AQŞ bayroğini yarim holatda hilpiratilişini buyuraman. Uşbu jarayon 31 avgust kuni quyoş botguniga qadar davom etadi”, deyiladi Trampning buyruğida.