Erdöğon Netanyahuning davosiga keskin javob qaytardi
20-09-2025, 17:45
71 марта

Erdöğon Netanyahuning davosiga keskin javob qaytardi
Taşqi bosimlarga qaramay, Turkiya Quddusi şarifni himoya qilişdan töxtamaydi. Turkiya prezidenti Rajab Toyyib Erdöğon Isroil boş vaziri Binyamin Netanyahuning davosiga javoban şu tarzda keskin bayonot berdi.
Istanbulda ötayotgan TEKNOFEST tadbirida çiqiş qilgan Erdöğon Isroil okkupatsiyasi ostidagi Quddus şahri nafaqat musulmon, balki, butun insoniyat uçun qadrli maskan ekanini takidladi.
Gap şundaki, Isroil boş vaziri Binyamin Netanyahu joriy yil 15 sentyabr kuni AQŞ davlat kotibi Marko Rubio bilan birgalikda bahsli hudud sanalgan «Dovud şahri» arxeologik yodgorligiga taşrif buyurgan va 1998 yilga oid hodisadan söz oçgan edi.
Netanyahuga köra, 1998 yilda u Turkiya boş vaziri Mesut Yilmaz bilan uçraşuvda Turkiyada saqlanayotgan, 2700 yillik tarixga ega toş yozuvni Isroilga tuhfa qilişni söragan. Buning evaziga u Turkiya boş vaziriga Isroilda saqlanayotgan Usmoniylar tarixiga oid eksponatlar yoki moddiy boylik vada qilgan.
Netanyahuning hikoya qilişiça, Mesut Yilmaz Istanbul hokimi Erdöğon (Turkiyaning hozirgi prezidenti öşa vaqtda Istanbulga rahbarlik qilgan — tahr.) boşçiligidagi qatlam Isroilga Quddus tarixiga oid qadimiy toş yozuvning qaytarilişiga keskin etiroz bildirişini aytgan.
«Mana, 2000 yil ötib, biz şahrimizni qaytarib oldik. Mustaqilligimizni qaytarib oldik. Bu bizning şahrimiz, janob Erdöğon! Bu sizning emas, bizning şahrimiz. U hamişa bizniki bölib qoladi. U endi heç qaçon bölinmaydi», — degan Netanyahu AQŞ davlat kotibi ham qatnaşayotgan marosimda.
Malumot örnida: miloddan avvalgi VIII asrga mansub, Silvan yozuvi deb ataladigan toş bitik Istanbul arxeologiya muzeyida saqlanadi. U Quddusga oid eng qadimiy artefaktlardan biri hisoblanadi.
Erdöğon Netanyahuga javob qaytarar ekan, nafaqat 2700 yillik yozuv, balki Quddusga aloqador kiçik bir toşça ham Isroilga qaytarilmasligini urğulagan.
«U (Netanyahu nazarda tutilmoqda — tahr.) birinçi qiblamiz Quddus haqida özboşimça fikrlar bildirib, öziça nimalarnidir qaytarmoqçi bölyapti. Qölini ğazolik 65 ming mazlum qoniga böyagan qotillarga aytamanki, Quddus butun insoniyat, jumladan, musulmonlarning şani, qadr-qimmati va izzatidir. Quddusga qaratilgan har bir hujumga bu muborak şahar, bu mötabar zaminga oşufta insonlar munosib javob qaytaradi», — dedi Turkiya rahbari.
Erdöğon bundan bir neça kun avval ham Isroil boş vazirini faşistlar dohiysi Gitlerga mengzagan va ikki milliard musulmonning umumiy merosi bölgan Quddus şahri himoyasiz qolmasligini takidlagan edi.
Eslatib ötamiz, Isroil Şarqiy Quddusni 1967 yili olti kunlik uruşdan keyin bosib olgan. Xalqaro hamjamiyat qarşi çiqayotganiga qaramay, Isroil mamuriyati Quddus töliğiça öziga tegişli ekani va yaxlit poytaxt ekanini davo qilmoqda. Xalqaro bitimlarga muvofiq esa, Şarqiy Quddus mustaqil Falastin davlatining poytaxti bölişi kerak.