Tramp Isroilning Ğarbiy Sohilni bosib olişiga yöl qöymaydi – “Politico”

Joriy yilning 23 sentyabr kuni bölib ötgan uçraşuv çoğida AQŞ Prezidenti Donald Tramp arab va musulmon yetakçilariga Isroil Boş vaziri Binyamin Netanyaxuga Iordan daryosining Ğarbiy Sohilini anneksiya qilişiga ruxsat bermasligiga vada qildi. Bu haqda uşbu muloqotdan xabardor olti kişiga tayanib, “Politico” xabar berdi.

Naşrning yozişiça, manbalardan ikkitasi Tramp bu masalada qatiy bölganini va u Isroil HAMAS emas, Falastin mamuriyati tomonidan boşqariladigan Ğarbiy Sohilni özlaştirişiga yöl qöyilmasligini vada qilganini bildirgan.
Muloqotdan xabardor yana bir kişining aytişiça, Trampning kafolatiga qaramay, Isroilning deyarli ikki yillik HAMASga qarşi uruşini töxtatiş uçun sulh yaqin emas. Masalaga aloqador yana ikki kişi Tramp va uning jamoasi uruşni tugatiş rejasini öz içiga olgan, jumladan, anneksiya böyiça vada hamda boşqaruv va uruşdan keyingi xavfsizlik masalalarini qamrab olgan hujjatni taqdim etganini malum qilgan.

Keça, 24 sentyabr kuni Trapmning maxsus elçisi Stiv Uitkoff uşbu taklif tafsilotlaridan ayrimlarini oçiqladi.

“Biz Nyu-Yorkdagi sammitda Yaqin Şarqda tinçlik uçun Trampning 21 banddan iborat rejasini taqdim etdik. Menimça, u Isroilning taşvişlarini ham, mintaqadagi barça qöşnilar taşvişlarini ham qamrab oladi”, deydi u.