Tramp HAMASga 5 oktyabrgaça muhlat berdi

AQŞ Prezidenti Donald Tramp HAMASga uning Ğazoning kelajagiga oid rejasi böyiça 5 oktyabr kuni mahalliy vaqt bilan soat 18:00 gaça kelişuvga keliş uçun muhlat berdi va buni guruh uçun “sönggi imkoniyat” deb atadi. Bu haqda u bugun, 3 oktyabr kuni Truth Social'da yozdi.

“Yakşanba kuni soat 18:00 (Vaşington vaqti) gaça HAMAS bilan kelişuvga erişilişi kerak. Har bir davlat rozilik berdi! Agar bu SÖNGGI IMKONIYaT kelişuviga erişilmasa, HAMASga qarşi dunyo heç qaçon körmagan darajadagi DÖZAX boşlanadi” deb yozdi Tramp. 

Tramp 30 sentyabr kuni HAMASga 20 moddadan iborat hujjatni qabul qiliş uçun uç-tört kun muhlat berganini aytgan edi. Bu hujjat guruhning qurolsizlanişini talab qiladi — HAMAS bu talabni ilgari rad etgan. Guruhga yaqin manbaga köra, HAMAS taklifni hozirça körib çiqmoqda.
 Rejaga köra, quyidagilar nazarda tutilgan:

• Darhol otaşkesim elon qiliş;
• HAMAS tomonidan uşlab turilgan barça garovga olinganlarni Isroil tomonidagi falastinlik mahbuslarga almaştiriş;
• Isroil qöşinlarining Ğazodan bosqiçma-bosqiç çiqarilişi;
• HAMASning qurolsizlantirilişi;
• Xalqaro taşkilot tomonidan boşqariladigan ötiş hukumati taşkil etilişi.