Rossiya endi yil böyi aholini armiyaga çaqiradi
29-10-2025, 00:40
269 марта

Rossiya endi yil böyi aholini armiyaga çaqiradi
Rossiya Davlat dumasi uçinçi va oxirgi öqişda fuqarolarni yil davomida – 1 yanvardan 31 dekabrgaça muddatli harbiy xizmatga çaqiriş imkoniyatini belgilovçi qonunni maqulladi. Bu haqda duma matbuot xizmati xabar berdi.Hujjatga köra, harbiy komissarliklar yil davomida tibbiy körikdan ötkaziş, psixologik körikdan ötkaziş, çaqiruv komissiyasi yiğilişlarini taşkil etişi mumkin böladi.
Şu bilan birga, muddatli harbiy xizmatga çaqiriluvçilar öz xizmat joylariga bir xil jadval böyiça – yiliga ikki marta: 1 apreldan 15 iyulgaça va 1 oktyabrdan 31 dekabrgaça jönatiladi.
Endilikda çaqiruv qoğozlari aniq oylarga boğlanmagan holda yil davomida çaqiriluvçilarga yuboriladi.
Taşabbus mualliflarining tuşuntirişiça, bu yangilik harbiy xizmatga çaqiruv komissiyalarining yukini yengillaştiriş, çaqiruv punktlari örtasida iş yukini teng taqsimlaş, harbiy xizmatga saralaş sifatini oşiriş imkonini beradi.
Qonun loyihasiga ikkinçi öqişga bir qator özgartirişlar kiritildi. Xususan, ulardan biri elektron çaqiruv varaqlarining amal qiliş muddatini 30 kungaça çeklaydi. Hozirgi vaqtda bunday çaqiruvlar çeksiz muddatga amal qiladi, bu esa uzoq muddatga çet elga çiqiş imkoniyatini samarali ravişda çeklaydi.
Harbiy huquqşunoslarning fikriça, yangi 30 kunlik qoida harbiy xizmatga çaqiriş tezligini saqlab qolgan holda harakat erkinligini haddan taşqari çeklaşning oldini oladi.