AQŞ hukumatining işi qayta boşlanişi mumkin

AQŞ Senati hukumatning töxtab qolişini (“şatdaun”) tugatiş va uning işini tiklaş uçun qonun loyihasini maqulladi. Bu haqda CNN xabar berdi.

Hujjat uçun 60 senator ovoz bergan, 40 nafari qarşi çiqqan. Endi bu hujjat Vakillar palatasiga yuboriladi. U yerda ham qabul qilingaç, AQŞ Prezidenti Donald Tramp uni imzolaşi kerak böladi. Jarayon bir neça kun davom etişi mumkin.
“Politico” naşrining yozişiça, bu hujjat yangi byudjet rejasining asosiga aylanişi kerak. Unda bir qator muhim idoralarni butun moliyaviy yil davomida moliyalaştiriş közda tutilgan. Xususan, Qişloq xöjaligi vazirligi, Oziq-ovqat va dori vositalari ustidan nazorat boşqarmasi, Veteranlar işlari böyiça idora, harbiy quriliş loyihalari va Kongress faoliyati uçun mablağ ajratiladi. Qolgan davlat tuzilmalari esa 30 yanvargaça vaqtinçalik moliyalaştiriladi.

AQŞdagi hukumat işi töxtaşi 1 oktyabr kuni boşlangan va hozir 40 kundan beri davom etmoqda. Bu mamlakat tarixidagi eng uzun muddatli hukumat töxtaşi böldi. Hukumat faoliyatining töxtab qolişiga demokratlar va respublikaçilar örtasida Obamacare dasturi doirasidagi subsidiyalar hamda Medicaid dasturini moliyalaştiriş borasidagi kelişmovçiliklar sabab bölgan. Oldingi rekord ham Trampning Prezidentlik davrida kuzatilgan edi – u 35 kun davom etgan va 2019 yilning yanvarida yakunlangan.