AQŞda 5 ta “prava”si bölgan özbekistonlik hibsga olindi 

Amerikaning Arizona ştatida beşta haydovçilik guvohnomasiga ega bölgan 29 yoşli özbekistonlik yuk maşinasi haydovçisi yöl-transport hodisasi sodir etgandan keyin hibsga olindi. Bu haqda AQŞ Çegara patrul xizmati (US Border Patrol Yuma Sector) xabar berdi.

Qayd etilişiça, keça, 19 noyabr kuni AQŞning Arizona ştati, Kvartsit şahri yaqinida avtohalokat sodir bölgan. Hodisa tafsilotlari mahalliy politsiya tomonidan örganilganda, özbekistonlik erkakda 5 ta haydovçilik guvohnomasi borligi aniqlangan. Unga Nyu-Yorkda 2 ta, Ogayo ştatida esa 3 ta haydovçilik guvohnomasi berilgan.

Mahalliy huquqni muhofaza qiliş organlari xodimlari yuk maşinasi va tirkamani voqea joyidan olib ketgaç, haydovçining şaxsiy malumotlarini tekşirişni boşlaşgan.
Tekşiruv davomida bu şaxs 2023 yil aprel oyida AQŞga noqonuniy ravişda kirgani aniqlangan. Joriy yilning iyul oyida immigratsiya sudyasi uni deportatsiya qiliş haqida qaror çiqargan, biroq u bu buyruqqa böysunmay, ataylab mamlakatda qolgan.
Şundan söng, Özbekiston fuqarosining işi yana deportatsiya jarayoniga körib çiqiş uçun tegişli idoralarga yuborilgan.