Qirğiziston Tojikiston bilan çegarani tikanli simlar bilan tösişni boşladi

Işlar strategik muhim nuqta – Qirğiziston, Özbekiston va Tojikiston çegaralari tutaşgan joyda boşlangan.

Qirğizistonning Botken viloyati, Tört-Gul qişloq okrugining Qöşmolo tumanida qirğiz-tojik davlat çegarasiga tösiqlar örnatiş işlari boşlandi. Bu haqda Qirğiziston prezidentining Botken viloyatidagi vakiliga tayanib 24.kg xabar berdi.
Işlar strategik muhim nuqta – Qirğiziston, Özbekiston va Tojikiston çegaralari tutaşgan joyda boşlangan. Tadbirda Qirğiziston Vazirlar Mahkamasi raisi örinbosari – Milliy xavfsizlik davlat qömitasi raisi Qamçibek Taşiyev onlayn tarzda iştirok etdi.

Çegara zonasida işlarning borişini taminlaş maqsadida dala lageri qurilib, maxsus texnika keltirildi, harbiy xizmatçilarning yaşaşi va işlaşi uçun barça şaroit yaratilgan.
Qayd qilinişiça, birinçi bosqiçda 420 kilometr uzunlikdagi tikanli sim tösiqlari örnatilişi közda tutilgan. Iş 2025 yil oxirigaça yakunlanişi kutilmoqda.

Avvalroq qirğiz-tojik çegarasini delimitatsiya qiliş işlari yakunlangan edi. 2025 yil 13 mart kuni Bişkekda ikki davlat prezidentlari uşbu masala böyiça kelişuv imzoladi.