Belarus Rossiyaga Ukraina havo mudofaasini aylanib ötişga yordam beryapti – Zelenskiy

Rossiya qöşinlari qöşni Belarus hududi orqali Ukraina havo mudofaa çiziqlarini aylanib ötişga urinyapti. Bu haqda keça, 26 dekabr kuni keçqurun Ukraina Prezidenti Vladimir Zelenskiy “dronlar, mudofaa çiziqlari va Ukrainaning javob çoralari” mavzusiga bağişlangan Oliy Boş qömondon yiğilişida malum qildi. 

“Bu Belarus uçun xavfli. Biz “Oreşnik” bilan boğliq qadamlarni kördik, endi esa — “şaxed”lar orqali. Afsuski, Belarus öz suverenitetini Rossiyaning tajovuzkor ambitsiyalari foydasiga topşirmoqda”, deb yozdi Zelenskiy özining Telegram kanalida.

Zelenskiyning takidlaşiça, rossiyaliklar Ukraina havo mudofaasi — xususan, dron-perexvatçiklar joylaşgan çiziqlarni körib turibdi va ularni aylanib ötişga harakat qilmoqda. Ukraina razvedkasi malumotlariga köra, Ukrainaga qarşi zarbalarda qöllanilayotgan uskunalar “jumladan, çegaraga yaqin Belarusdagi aholi punktlaridagi turarjoy binolarida” joylaştirilgan.

“Aslida oddiy beş qavatli uylarning tomlariga antennalar va boşqa uskunalar örnatilgan bölib, ular “şaxed”larni mamlakatimizning ğarbiy hududlaridagi obektlarga yönaltirişga yordam beryapti”, deb yozdi Ukraina Prezidenti.

Zelenskiyning aytişiça, bu “juda jiddiy masala”ga javob keyingi yiğilişda muhokama qilinadi. 

“Bu inson hayotiga mutlaqo beparvolikdir va Minskda bu bilan öynaşişni töxtatişlari muhim. Biz şeriklarimizni xabardor qilamiz va qöşma javob çoralarini tayyorlaymiz”, dedi u.