Isroil Ğazoda gumanitar taşkilotlar faoliyatini çeklamoqda
3-01-2026, 12:04
102 марта

Isroil Ğazoda gumanitar taşkilotlar faoliyatini çeklamoqda
Birlaşgan Millatlar Taşkiloti Boş kotibi Antoniu Guterriş Isroilni önlab xalqaro gumanitar taşkilotlarning litsenziyalarini bekor qiliş qarorini qayta körib çiqişga çaqirdi. Guterreşning sözlariga köra, litsenziyalarini bekor qiliş Ğazo sektorida sulh davomida erişilgan nozik taraqqiyotga putur yetkazişi mumkin. Bu haqda “Detsçe Welle” xabar berdi.Qayd etilişiça, avvalroq Isroil hukumati “Çegara bilmas şifokorlar” va “Oxfam” kabi 37 ta xalqaro gumanitar taşkilotga ularning litsenziyalari 2026 yil 1 yanvardan boşlab bekor qilinişi, 1 martga qadar esa faoliyatini töxtatişi lozimligi haqida xabar bergan. Rasmiylarga köra, bunga uşbu nodavlat taşkilotlarning yangi talablarga rioya qilmagani sabab bölgan.
Xususan, Isroil hukumati ulardan falastinlik xodimlarining ismlari va boşqa şaxsiy malumotlarini taqdim etişni talab qilgan. Isroilning Diaspora işlari va antisemitizmga qarşi kuraş vaziri Amihay Şiklining aytişiça, agar taşkilotlar 1 martga qadar aniqlangan kamçiliklarni bartaraf etsa, ularning faoliyatini davom ettiriş böyiça arizalari qayta körib çiqilişi mumkin.
“Oxfam” tomonidan elon qilingan qöşma bayonotda 53 ta xalqaro nodavlat taşkilot Isroilni “röyxatdan ötkazişni bekor qiliş jarayonini zudlik bilan töxtatişga va gumanitar yordamga tösqinlik qilayotgan çoralarni bekor qilişga” çaqirgan. Bayonot mualliflari donor davlatlarni bu maqsadda “mavjud barça vositalardan foydalanişga” undagan.
Alohida bayonot bilan çiqqan “Çegara bilmas şifokorlar” esa Isroil hukumatini Ğazo sektori va Ğarbiy sohilda yordam körsatişga tösqinlik qiluvçi “kinoyali va hisoblangan urinişlarda” ayblagan hamda buni xalqaro gumanitar huquqning buzilişi, deb baholagan.