Kiyevda RF dengiz piyoda askari asirlarni otib öldirgani uçun umrbod qamoqqa hukm qilindi

Kiyev sudi Rossiya harbiy xizmatçisi Vladimir Ivanovni ikki nafar ukrain harbiy asirini öldirgani uçun umrbod ozodlikdan mahrum qildi. Guvohlar uni komandir buyruği bilan harakat qilganini aytgan. Ivanovning özi esa qilgan işidan puşaymon ekanini bildirgan.

Kiyev şahridagi sud Rossiyaning dengiz piyoda qöşinlari harbiy xizmatçisi Vladimir Ivanovni ikki nafar harbiy asirni öldirganlikda aybdor deb topib, uni umrbod qamoq jazosiga hukm qildi. Şunday jazo tayinlaşni ayblov tomoni talab qilganini Ukraina boş prokurori Ruslan Kravçenko 20 fevral kuni Telegram’da bildirdi.

Sud aniqlaşiga köra, 2025 yil yanvar oyida Kursk viloyatidagi janglar vaqtida Ivanov va boşqa Rossiya harbiylari pistirma uyuştirgan. Ikki nafar Ukraina harbiy xizmatçisi qurolini taşlab, qöllarini kötarib taslim bölmoqçi bölgan, ammo Ivanov ularga öq uzgan. Sud majlislarida guvohlar — Ivanovning xizmatdoşlari u komandir buyruğiga köra harakat qilganini aytgan. Kravçenko yozişiça, sud “heç qanday harbiy zarurat bölmagan, mahkum buyruqning jinoiy ekanini anglagan va uni bajarmaslikka haqli bölgan” degan xulosaga kelgan.
Vladimir Ivanovning qilmişi “xalqaro gumanitar huquq himoyasidagi şaxslar halok bölişiga olib kelgan, bir guruh şaxslar tomonidan sodir etilgan uruş qonunlari va odatlarini buziş” moddasi böyiça malakalangan. Sud fuqaroviy davoni ham qisman qanoatlantirgan: “Suspіlne”ning yozişiça, Ivanov halok bölganlardan birining sobiq xotiniga 50 mln grivna (qariyb 982 ming yevro) miqdorida tovon tölaşi kerak. Ayblanuvçining özi esa qilgan jinoyatidan puşaymon ekanini bildirgan.
2025 yil noyabrda Zaporijjya sudi 26 yoşli RF harbiy xizmatçisi Dmitriy Kuraşovni 2024 yil yanvarda Zaporijjya viloyatidagi hujum paytida ukrain harbiy asirini öldirganlikda aybdor deb topib, umrbod qamoq jazosiga hukm qilgan.