Uruş boşlangandan beri ilk bor Yevropa kemasi Hormuz böğozidan ötdi

Frantsiyaning CMA CGM kompaniyasiga tegişli kema Hormuz böğozidan ötgan birinçi Ğarbiy Yevropa kemasi böldi. Bu voqea Eron bilan uruş boşlanganidan beri ilk marta qayd etildi. Bu haqda “Euronews” xabar berdi.

Malta bayroği ostida harakatlangan CMA CGM Kribi Dubay yaqinidan şarq tomonga yöl olgan. Kema Eron qirğoqlari böylab harakatlanib, Qeşm oroli va Larak oroli orasidagi maxsus yölak orqali ötgan.
Malum qilinişiça, uruş sabab mart oyidan beri köplab xorijiy kemalar Fors körfazida töxtab qolgan edi. Uşbu kema esa ehtimol Eron dengiz idoralari bilan oldindan kelişuv asosida ötgan.
Kema Puant-Nuar tomon yöl olgan bölib, u Hindiston-Fors körfazi-Afrika yönalişida qatnaydi. Bu tranzitdan oldin faqat Xitoy bilan boğliq kemalar muvaffaqiyatli ötgan edi. Endi bu holat boşqa kompaniyalarni ham qatnovlarni qayta boşlaşga undaşi mumkin.

Şu bilan birga, Eron va Ummon Hormuz böğozidan xavfsiz ötiş böyiça yangi tartib işlab çiqayotgani aytildi. Eron tomoni ayrim kemalardan boj (1 dollar/barrel atrofida) olişni va hisob-kitobni yuan yoki kriptovalyuta orqali qilişni ham körib çiqmoqda.

Yana bir muhim holat – Sohar LNG ham böğozga kirgan. Agar u muvaffaqiyatli ötsa, bu uruş boşlanganidan beri birinçi gaz taşuvçi tanker harakati böladi.
Umuman olganda, bu voqealar hududda kemalar harakati asta-sekin tiklanayotganini körsatmoqda. Ammo hozirça neft va gaz taşuvçi yirik tankerlar xavf yuqori bölgani uçun bu yönalişdan ehtiyotkorlik bilan foydalanmoqda.