Xivada yangi xalqaro turistik şaharça barpo etiladi
17-08-2026, 21:17
273 марта
Xivada yangi xalqaro turistik şaharça barpo etiladiPrezident Şavkat Mirziyoyev Xiva şahrida barpo etilişi rejalaştirilayotgan yangi xalqaro turistik şaharça loyihasi bilan tanişdi.
Sönggi yillarda Xorazmda turizm infratuzilmasi jadal rivojlanmoqda. Keyingi töqqiz yilda viloyatda 280 ta mehmonxona va mehmon uyi barpo etilib, mehmonxona fondi 4 barobarga oşdi. Xorijiy sayyohlar soni esa sönggi beş yilda 10 karra köpaydi.
Yangi turistik şaharça tarixiy meros va zamonaviy şaharsozlik yeçimlarini uyğunlaştirgan holda barpo etiladi. Loyihada Xorazmning qadimiy şaharsozlik ananalari, jumladan, 1511 yilda Xiva xonligining ilk poytaxti bölgan qadimiy Vazir şahrining tuzilişi va köçalar tarmoğidan foydalaniladi.
Umumiy maydoni 12,3 gektar bölgan majmuada mehmonxonalar, muzey, milliy va xalqaro taomlar restoranlari, savdo hamda xizmat körsatiş obektlari joylaşadi.
Hududning katta qismi yaşil maydonlar va sayr yölaklariga ajratiladi. Şarşarali favvoralar, içki ariqlar hamda quyoş panellari örnatilgan soyabonli avtoturargohlar taşkil etiladi.
Yangi majmua Içan-qalaga tuşayotgan turistik yuklamani kamaytiriş, sayyohlarga yangi yönaliş va xizmatlarni taklif qilişga xizmat qiladi. Loyiha doirasida minglab yangi iş örinlari yaratilişi, aholi va mehmonlar uçun avtomobillar harakatidan xoli yaşil dam oliş hududlari barpo etilişi rejalaştirilgan.
Xivada amalga oşirilayotgan uşbu loyiha şaharning turistik salohiyatini yanada oşirib, sayyohlarning Xorazmda uzoqroq qolişi uçun yangi imkoniyatlar yaratadi.

