Saytdan izlash

Ko'rinishni tanlash:

Saqlangan xabarlar

Sizda hozircha saqlangan xabarlar yo'q!

Yangiliklarni o'qish

Maxfiylik siyosati

Saytimizdan foydalanishda sizga eng yaxshi tajribani taqdim etish uchun biz cookie-fayllardan foydalanamiz. Saytimizdan foydalanishda davom etish orqali siz Maxfiylik siyosati va Foydalanish shartlari ga rozilik bildirgan bo‘lasiz.

Пахта мавсумида йўлларда хавф ортди: Хоразмда тракторларга нур қайтарувчи тасмалар ўрнатилмоқда

14-10-2026, 19:19
18 марта
Пахта мавсумида йўлларда хавф ортди: Хоразмда тракторларга нур қайтарувчи тасмалар ўрнатилмоқда

Пахта йиғим-терими қизғин палла. Ҳар куни юзлаб тракторлар ва юк тўла тиркамалар далалардан пахта қабул қилиш масканларига қатнайди. Айниқса кечқурун ва тунда бундай техникани йўлда вақтида пайқамаслик фожиа билан тугаши мумкин.

Шу боис Хоразм вилояти ҳудудида 2026 йилги пахта йиғим-теримига жалб қилинган транспорт воситалари ҳайдовчилари ўртасида юк ташиш қоидалари бўйича тушунтириш ишлари олиб борилмоқда. Шу билан бирга тракторлар ва уларнинг тиркамаларига нур қайтарувчи тасмалар ўрнатилмоқда.

Тракторлар ва тиркамалар секин ҳаракатланади, уларнинг кўпчилигида орқа чироқлар йўқ ёки ишламайди. Қоронғида орқадан катта тезликда келаётган ҳайдовчи олдидаги тиркамани жуда яқин келгандагина кўради. Нур қайтарувчи тасма эса автомобил чироғи тушиши билан узоқдан ялтираб, йўлда тўсиқ борлигидан олдиндан огоҳлантиради. Бир неча сониялик фарқ инсон ҳаётини сақлаб қолиши мумкин.

Ҳайдовчиларга нималар тушунтирилмоқда?

— юкни тиркама ҳажмидан ортиқ ортмаслик;
— пахта сочилиб, йўлга тушмаслиги учун юкни маҳкам ёпиш ва боғлаш;
— носоз техника ва чироқсиз тиркама билан йўлга чиқмаслик;
— тракторни мўлжалланмаган транспорт билан тиркаб тортмаслик.

Эслатиб ўтамиз, яқинда ижтимоий тармоқларда енгил “Cobalt” автомобили трактор прицепини судраб кетаётгани акс этган видео тарқалган эди. Ўша ҳайдовчи жаримага тортилди. Бу ҳолат юк ташиш қоидаларига беписандлик қанчалик хавфли эканини яна бир бор кўрсатди.

Таҳририятдан

Мавсум даврида йўлларда техника кўпаяди. Ҳайдовчилардан эҳтиёткорлик, айниқса кечки пайтда тезликни пасайтириш ва тракторларни қувиб ўтишда шошмаслик сўралади. Трактор эгаларига эса тиркамангизга нур қайтарувчи тасма ўрнатилмаган бўлса, буни кечиктирмасликни маслаҳат берамиз.








Изоҳ қолдириш

Мавзуга алоқадор: