▪️Жуда қийин ўйин бўлишини билгандик. «Навбаҳор» бунгача меҳмонда мағлубиятга учраганди ва ўз мухлислари қаршисида ҳужумкор ўйнаб, ижобий натижага ҳаракат қилишини билардик. Ўйин старти яхши бошлангандек эди, аммо хатоларимиз бўлди. Чарчоқ йиғилиб қолганга ўхшади. Афсуски, бугунги кунда таркиб билан боғлиқ қийинчиликлар бор, аммо биз бу ҳолатда чиқиб кетамиз. Жамоа яхши ўйнамоқда, аммо хатолар ҳам йўқ эмас.

▪️Ҳа, бизда вазиятлар ҳам бўлди, у ҳар доим бўлган. Биз тўпни назорат қиладиган футбол ўйнашга уриняпмиз. Афсуски, бугунги ўйинда «Навбаҳор» кўпроқ тўпга эгалик қилди. Ушбу натижа ҳам шу сабабдан бўлди. Захирадан тушган ҳеч бир ўйинчи баҳсга киришиб кетолмади. Шунақаси ҳам бўлиб туради. Менимча, бугун мавсумдаги энг ёмон ўйинимизни ўтказдик. Таҳлил қилиб чиқамиз.

▪️Биз «Насаф» билан ўйинда кўп куч йўқотдик. Эҳтимол тўлиқ тикланишга улгурмагандирмиз. Нима бўлганда ҳам, рақибнинг ҳужумларига ҳужум билан жавоб беришга ҳаракат қилдик. Аммо, йигитлар бугун сустроқ кўринишди. Бу ўрта чизиқ ва ҳужум гуруҳида сезилди. Шу сабаб якунда мағлубиятга учрадик.

▪️Қўшишимиз мумкин бўлган ёш йигитлар бор. Улар футболни соғиниб қолишган деб ўйлайман. Ротациялар қиламиз. Вазифа ҳали ҳам битта. «Хоразм» 15 йил Ўзбекистон Олий лигасида ўйнамади. Вазифа жамоани Суперлигада сақлаб қолиш. Албатта, таркибимизни кучайтирамиз. Агар чемпионат ва Кубок доирасида шундай ўйинлар бўлиб турса, ўйиндан ўйинга яхши ўтиш учун тенг захира керак.

▪️Ўринбосарлар таркибимиз бутун Хоразм вилоятидан йиғилган йигитлардан ташкил топган. Улар жуда ҳам ёш. Аммо, уларга Суперлигада ўйнаш учун вақт керак. Ҳатто уларнинг кўпи ҳали Про-Лига даражасига ҳам ўтишмади. Кимдир Биринчи лигада ўйнаган.

▪️Умуман олганда, 8 та тур ўтказдик. Бугун «Навбаҳор»га ютқаздик. Аввалги 7 та турда эса ҳеч кимга ўйин борасида ютқазмадик. Ҳатто айрим ўйинларда чемпионат фаворитлари билан бир хил ўйнадик ва ҳатто ўз вақти билан кўпроқ хавфли вазиятлар яратдик. Шу сабаб қайси ўринни эгаллашимизни айтиш қийин. Ҳозирча жамоани Суперлигада сақлаб қолмоқчимиз.