Jafar Irismetov: "Kannavaro, katta ehtimol bilan, tarkib va taktikani özgartirmasa kerak"

Jahon çempionatidagi dastlabki öyinda Özbekiston terma jamoasi Kolumbiyaga 1:3 hisobida imkoniyatni boy berdi. Guruh bosqiçidan örin olgan qolgan uçraşuvlarda jamoamiz Portugaliya va DR Kongoga qarşi maydonga tuşadi.

"Kannavaro, katta ehtimol bilan, tarkib va taktikani özgartirmasa kerak. Biz qarşi hujumga juda yaxşi ötamiz, tarkibimizda töpni özida saqlay oladigan ijroçilar va Şomurodov kabi yaxşi hujumçilar bor. 
Ronalduni töxtatib qoliş? Uning ayni damda qanday sport formasida ekanligini bilmayman. Menimça, asosiy xavf Brunu Fernandeş va boşqa futbolçilardan kutiladi. Ammo Ronaldu — bu Ronaldu. Nima bölgan taqdirda ham, u maydonda u qadar közga taşlanmasligi va tösatdan gol urib ketişi mumkin, buni u juda yaxşi uddalaydi. Unga qarşi kimnidir personal ravişda biriktirib qöyiş şart deb öylamayman.

Biz jamoaviy öyin evaziga kuçlimiz. Fikrimça, agar raqibga köp böş joy qoldirmasdan, ziç öynasak, ularni mağlub etişimiz va maydonni yaxşi natija bilan tark etişimiz mumkin. Aytib ötişganidek, endi qörqadigan ham, yöqotadigan ham heç narsamiz yöq — har qanday holatda ham oçko olişimiz şart. Eng muhimi — yutqazmaslik, undan keyin esa uçinçi öyinda oçkolarni qölga kiritiş kerak. Töğri, Kongo ham zaif raqib emas.

Guruhdan çiqiş uçun tört oçko jamğariş töliq yetarli böladi. Uçinçi örindan yoki ikkinçi örindan turib keyingi bosqiçga yöl olişimiz mumkin. Ammo, buning ustiga birinçi örin bilan çiqiş imkoniyati ham yöq emas", — dedi Irismetov.