Osiyo öyinlari. Özbekiston yana penaltilar seriyasida yutqazdi
Bugun, 3 oktyabr kuni Yaponiyaning Aiçi-Nagoya şaharlarida davom etayotgan Osiyo öyinlarining futbol bahslarida Özbekiston Xitoyga imkoniyatni boy berdi. Şu tariqa 3-örin Xitoy U-23 jamoasiga nasib qildi.
Öyin töliq Özbekiston vakillari ustunligida ötdi, biroq xitoyliklar qarşi hujumlardan unumli foydalandi. Öyinning 15-daqiqasidayoq Hu Hetoo gol urib, jamoasini hisobda oldinga olib çiqdi. 43-daqiqada esa Bahromov hisobni tenglaştirişga muvaffaq böldi.
Ikkinçi bölim ham özbekistonliklar nazoratida ötdi, lekin yana şarqiy osiyoliklar xavfli qarşi hujumlarni amalga oşirdi. Taymning 8-daqiqasida Van Yuy Vey “oq börilar” darvozasini işğol qildi va hisobni jamoasi foydasiga oğdirdi. Öyinning asosiy vaqti yakunlanişiga 1 daqiqa qolganda hisob tenglaşdi – bu safar katta sahnaga Şodiyor Şodiboyev çiqdi. Şu tariqa öyin durrang natija bilan penaltilar seriyasiga köçdi.
Yarim finalda Yaponiya vakillariga aynan penaltilar seriyasida imkoniyatni boy bergan Özbekiston U-23 jamoasi xitoylik tengqurlariga ham ğoliblikni taqdim qildi. Özbekistonliklardan 2 nafar, Xitoy vakillaridan esa 1 nafar futbolçi öz imkoniyatini golga aylantira olmadi.