Centrum Air samolyotni çaqmoq urganini aytmoqda, Qanot Şarq hamon jim, unda tört oyda 145 ta murojaat qayerdan keldi?
28-05-2026, 09:04
220 марта
Centrum Air samolyotni çaqmoq urganini aytmoqda, Qanot Şarq hamon jim, unda tört oyda 145 ta murojaat qayerdan keldi? Raqobatni rivojlantiriş va istemolçilar huquqlarini himoya qiliş qömitasi xususiy aviakompaniyalar bölgan Centrum Air va Qanot Şarq faoliyati yuzasidan Fuqaro aviatsiyasi agentligiga rasmiy sörov yubordi.
Qömita malumotiga köra, sönggi vaqtlarda mazkur aviakompaniyalar faoliyati, xususan, reyslarning keçikişi, ortiqça çipta sotilişi hamda istemolçilar huquqlari bilan boğliq murojaatlar soni keskin oşgan.
Tahlillarga köra, 2025 yilda aviataşuvlar böyiça 127 ta murojaat kelib tuşgan bölsa, 2026 yilning dastlabki tört oyida bu körsatkiç 145 taga yetgan.
Murojaatlarda asosan:
körsatilmagan xizmat uçun haq olinişi;
reyslarning bir neça soatlab keçikişi;
oldindan bron qilingan yölovçilarga joy berilmasligi;
kompensatsiya va qöşimça xizmatlar taqdim etilmasligi kabi holatlar qayd etilgan.
Şu munosabat bilan qömita “Özaviatsiya”dan parvozlar keçikişi sabablari, samolyotlarning texnik holati va xizmat sifati yuzasidan malumot taqdim etişni söragan.
Centrum Air reyslar keçikişi va “ortiqça çipta” masalasiga munosabat bildiribdi.
Centrum Air matbuot xizmati vaziyat yuzasidan rasmiy bayonot bilan çiqdi.
Kompaniya malumotiga köra, 2026 yil 19 may kuni Toşkent — Urganç yönalişidagi C6089 reysi uçun belgilangan Airbus A330 samolyotini çaqmoq urgani sababli havo kemasi texnik tekşiruvga olingan. Şu bois, xavfsizlik nuqtai nazaridan reys uçun kiçikroq siğimli Airbus A320 samolyoti jalb qilingan.
Natijada samolyot siğimi özgarib, 42 nafar yölovçi uşbu reys bilan uça olmay qolgan. Aviakompaniya bu holat fors-major sababli yuzaga kelganini va amaldagi qoidalarga muvofiq, xavfsizlikni birinçi öringa qöyganini takidlagan.
Kompaniya qolib ketgan yölovçilarga çipta pulini töliq qaytariş va boşqa reyslarga bepul qayta bron qiliş imkoniyatini taklif qilganini bildirdi.
Şuningdek, kutiş vaqti uzaygan yölovçilar mehmonxonaga joylaştirilgan. Qöşimça ravişda har bir yölovçiga keyingi içki reys uçun 50 foizlik çegirma, bepul bagaj joyi va qulay örindiq tanlaş imkoniyati berilgan.
Centrum Air “overbuking”, yani samolyotdagi örindiqlardan ortiqça çipta sotiş amaliyotidan foydalanmasligini qatiy malum qildi.
“C6089 reysidagi holat faqat kutilmagan texnik va fors-major vaziyat oqibatida yuzaga keldi”, — deyiladi aviakompaniya bayonotida.
Kompaniya, şuningdek reyslar keçikkan taqdirda, yölovçilarga oldindan xabar berilişi, kutiş jarayonida taom va içimliklar bilan taminlanişi hamda zarurat tuğilganda mehmonxona xizmatlari körsatilişini malum qilgan.
Aviakompaniya barça jarayonlar Özbekiston Respublikasi Oliy Majlisi qabul qilgan “Istemolçilarning huquqlarini himoya qiliş töğrisida”gi qonun va Havo kodeksi talablari asosida amalga oşirilayotganini takidlagan.
Qiziq, Raqobat qömitasi nahotki yuqoridagi kabi holatlarni tekşirib körmagan bölsa? Qolaversa, bitta reys bilan bir yillik statistika özgarib ketmagandir? Fuqaro aviatsiyasi agentligi hozirça rasman malumot bermadi, Qanot Şarq esa hamon jim.