Yadroviy falokat yuz bergan taqdirda Özbekiston xalqiga tovon tölanişi ta’minlanadi. Bu haqda bugun, 27 may kuni Oliy Majlis Qonunçilik palatasining navbatdagi majlisida muhokama qilingan “Yadroviy zarar uçun fuqarolik javobgarligi töğrisidagi Vena konvensiyasiga (Vena, 1963 yil 21 may) Özbekiston Respublikasining qöşilişi haqida”gi qonun loyihasida söz boradi. 

Qayd etilişiça, Xalqaro konvensiyaga qöşiliş natijasida fuqarolik yadro ob’yektlarida sodir bölgan hodisalar oqibatida yetkazilgan zarar uçun javobgarlik rejimi, zararni qoplaş tartibi, muddatlari va tamoyillarini belgilaydigan asosiy normalar Özbekiston uçun ham tatbiq etiladi. Yadroviy javobgarlik rejimi yadroviy falokat yuz bergan taqdirda Özbekiston xalqiga tovon tölanişini ta’minlaydi.

Vena konvensiyasiga qöşiliş zararni qoplaşning xalqaro miqyosda tan olingan huquqiy mexanizmlarini ta’minlab, jabrlanuvçilarni himoya qilişni kuçaytiradi, yadroviy qurilmalar operatorining aniq majburiyatlarini belgilaydi va yuzaga kelişi mumkin bölgan zararlarni qoplaş uçun işonçli moliyaviy kafolatlarni yaratadi. Bu esa milliy yadro xavfsizligi tizimiga işonçni oşiradi, xalqaro hamkorlikni mustahkamlaydi va yadroviy javobgarlik sohasidagi zamonaviy standartlarga rioya etilişini ta’minlaydi.
Konvensiyaga qöşiliş quyidagi imkoniyatlarni yaratadi:
fuqarolik yadro ob’yektlarida sodir bölgan hodisalar natijasida yetkazilgan zarar uçun javobgarlik rejimi, zararni qoplaş tartibi, muddatlari va tamoyillarini belgilaş;
yadroviy qurilmalar operatorining aniq majburiyatlarini belgilaş va yuzaga kelişi mumkin bölgan zararni qoplaş uçun işonçli moliyaviy kafolatlarni yaratiş;
milliy yadro xavfsizligi tizimiga işonçni oşiriş, xalqaro hamkorlikni mustahkamlaş va yadro xavfsizligi sohasidagi normalar va standartlarga rioya etilişini ta’minlaş.
Konvensiya yadroviy qurilma operatori tomonidan boşqariladigan inşootlarda sodir bölgan hodisalar natijasida yuzaga kelgan yadroviy zarar uçun operatorning javobgarligini, şuningdek yadroviy zarardan moliyaviy himoyani ta’minlaş uçun minimal talablarni belgilaydi.

“Mazkur Konvensiyani ratifikatsiya qiliş atom energiyasidan tinçlik maqsadlarida foydalaniş kölami kengayib borayotgan hozirgi vaqtda Özbekiston Respublikasining bu boradagi huquq va majburiyatlarining xalqaro darajada tan olinişiga va natijada yetkazilişi mumkin bölgan yadroviy zararlarning örnini qoplanişi kafolatlanişiga xizmat qiladi”, deyiladi xabarda.
Majlisda qonun loyihasi deputatlar tomonidan qabul qilingan va Senatga yuborilgan.