Urganç xalqaro aeroporti: yukingizni özingiz kötarib çiqing!
29-05-2025, 06:39
1 454 марта
Urganç xalqaro aeroporti: yukingizni özingiz kötarib çiqing!Keça, 28-may kuni Urganç xalqaro aeroportida yana bir bor aholini qiynayotgan, ammo yeçimi oddiy bölgan muammo guvohi böldik. Samolyotdan tuşgan yölovçilar aeroport içkarisidan çiqiş hududigaça yuklarini yuk taşuvçi aravaçalarda olib çiqişadi. Ammo şundan keyin avtomobilgaça – parkovkagaça – yukni qölda kötarib borişga majbur bölişmoqda.
Bu nimadan dalolat?
Aeroportda yuk taşuvçi aravaçalar bor, lekin ular faqat terminal içida harakat qiladi. Kiriş-çiqiş hududiga esa tösqinliklar örnatilgan. Natijada:
- yoşi katta yölovçilar,
- bolali ayollar,
- oğir yuk bilan kelgan turistlar qöllarida çamadon kötarib yurişga majbur.
Oddiy savollar, murakkab javobsizlik
Bu vaziyatga qarab bir neçta tanqidiy savollar tuğiladi:
- Nega yuk aravalari parkovkagaça bormaydi?
Texnik imkon yöqmi? Yoki şunçaki tartibsizlikmi? - Yuk aravasini orqaga olib kiriş uçun işçi yetişmayaptimi?
Aeroportda xizmat körsatiş sifatini ta’minlaş uçun mas’ul xodim yöqmi? - Tösqinliklar xavfsizlik uçunmi yoki noqulaylik uçunmi?
Agar xavfsizlik deb oqlansa ham, yölovçi qulayligini hisobga oliş kerak emasmi? - Bu holat turistlarimizga qanday taassurot qoldiradi?
“Xalqaro aeroport” deymiz, lekin yukni avtomobilgaça kötarib boriş – bu xalqaro standart emas.
Urganç xalqaro aeroporti — nafaqat samolyot uçib-qönadigan joy, balki Xorazmning eng muhim kiriş eşigi. Mehmonlar, turistlar va xorijdan qaytayotgan fuqarolarimiz birinçi taassurotni şu joyda olişadi.
Ammo bir neça metrlik oraliqni bosib ötişda yuzaga kelayotgan bu noqulaylik aeroport boşqaruvi tomonidan körilmayaptimi? Yoki bu yerda “özi yuk kötargan – özi aybdor” degan tamoyilmi?
Xulosa örnida:
Xalqaro maqomdagi aeroportda oddiy yuk taşiş tizimini yölga qöya olmasak, bu xizmat sifati, mehmonnavozlik va fuqarolarga bölgan hurmat borasida jiddiy savollarni keltirib çiqaradi.
xorazmbugun.uz sayti uşbu masala böyiça Urganç xalqaro aeroporti rahbariyatidan rasmiy izoh kutadi.
Agar siz ham şunday muammo yoki noqulaylikka duç kelgan bölsangiz, bizga murojaat qiling — sizning ovozingiz eşitilişi kerak.
