Özbekiston soğliqni saqlaş tizimi sifati böyiça xalqaro reytingda 49-örinni egalladi. Bu haqda “Health Care Index 2026 Mid-Year” reytingida keltirilgan.

Reytingda Özbekiston 101 ta davlat orasida 64,4 ball bilan Top-50 talikdan joy olgan. Mamlakat Markaziy Osiyo davlatlari orasida eng yuqori natijani qayd etgan.

Qöşni davlatlardan Qozoğiston 60,7 ball bilan 61-örinni egallagan. Özbekiston, şuningdek, MDH davlatlari orasida ham yuqori natija qayd etib, Rossiya (60-örin), Qozoğiston va Armaniston (62-örin)dan yuqori körsatkiç qayd etgan. Qirğiziston, Turkmaniston, Tojikiston va Afğoniston mazkur reytingda qayd etilmagan.

Soğliqni saqlaş tizimi böyiça eng yuqori körsatkiçni Tayvan 87,1 ball bilan qayd etib, birinçi örinni egallagan. Keyingi örinlarda Janubiy Koreya (83 ball), Yaponiya (79,9 ball), Ekvador (78,2 ball) va Niderlandiya (77,6 ball) joy olgan.

Reytingda AQŞ 41-örinni, Xitoy 30-örinni, Germaniya 25-örinni, Buyuk Britaniya 19-örinni egallagan.

“Health Care Index” reytingi tibbiy xizmatlar sifati, şifokorlar malakasi, tibbiyot muassasalarining jihozlanganlik darajasi, xizmatlar narxi va aholi uçun qulaylik kabi mezonlar asosida şakllantiriladi.

Eslatib ötamiz, avvalroq Toşkent Markaziy Osiyoda yaşaş narxi eng qimmat bölgan uçinçi şahar bölgani haqida xabar berilgandi.