60 dan ortiq fuqaroni ömargan kiberjinoyatçilar uşlandi
Buxoro viloyatida Telegram orqali fuqarolarning telefonlariga zararli APK fayllar yuborib, bank kartalaridagi mablağlarni öğirlagan kiberjinoyat guruhi foş etildi. Bu haqda Içki işlar vazirligi Kiberjinoyatlarga qarşi kuraşiş departamenti xabar berdi.
Qayd etilişiça, viloyat IIB Kiberjinoyatlarga qarşi kuraşiş boşqarmasi xodimlari tomonidan ötkazilgan tezkor tadbirlar davomida jinoyat sxemasiga aloqador şaxslar aniqlangan. Dastlabki tergovda guruh ortida Samarqand viloyatida yaşovçi 20 yoşga tölmagan yigit va uning turli hududlardagi şeriklari turgani aniqlangan.
Gumonlanuvçilar Telegram tarmoğidagi yaşirin boşqariladigan akkauntlar orqali fuqarolarga zararli APK fayllarni yuborgan. Uşbu fayllar telefonlarga örnatilgaç, qurilmadagi bank malumotlari hamda pul ötkazmalarini tasdiqlaş uçun keladigan SMS-kodlar jinoyatçilar nazoratiga ötgan.
Şundan söng öğirlangan mablağlar begona şaxslar nomiga oçilgan tranzit bank kartalari va soxta akkauntlarga ötkazib yuborilgan.
Tezkor tadbirlar davomida önlab bank kartalari, SIM-kartalar va maxsus mobil qurilmalar aşyoviy dalil sifatida rasmiylaştirilgan. Jinoyat sxemasidan respublika böylab 60 nafardan ortiq fuqaro jabrlangani aniqlangan.
Bildirilişiça, mazkur holat yuzasidan gumonlanuvçiga nisbatan Jinoyat kodeksining 169-moddasi (Öğrilik) 3-qismi “b” bandi bilan jinoyat işi qözğatilgan va dastlabki tergov harakatlari olib borilmoqda.
Eslatib ötamiz, avvalroq Samarqand viloyatida fuqaroning elektron hamyonlari orqali 14 milliard 827 million sömdan ortiq kriptovalyuta noqonuniy ayirboşlanganligi haqida xabar berilgan edi.