Isitiş mavsumida ehtiyojmand oilalarga bir martalik yordam puli tölanadi

Özbekistonda 2025/2026 yilgi isitiş mavsumida kam taminlangan oilalarga 1 million sömdan moddiy yordam beriladi.

Yordam noyabr oyida Ijtimoiy himoya yagona reyestri orqali bolalar nafaqasi yoki moddiy yordam oluvçi oilalarga, şuningdek, kambağal oilalar reyestridagi fuqarolarga tölab beriladi. 

Şuningdek, mahalla yettiligi tomonidan şakllantiriladigan qöşimça röyxat orqali ayrim toifadagi aholi ham bu imtiyozdan foydalanişi mumkin.

Qöşimça röyxatga boquvçisini yöqotgan oilalar, nogironligi bölgan şaxslari yoki bolalari bor xonadonlar, gaz yoki markazlaşgan isitiş tizimi yöq köp qavatli uylarda yaşovçilar, şuningdek, bir xonadonda uç va undan ortiq oila birga istiqomat qilayotganlar kiritilişi mumkin. Yolğiz keksalar va uzoq davolanişga muhtoj şaxslar ham yordam doirasiga kiritiladi.

Ehtiyojmand oilalar 25 sentyabrga qadar mahalla yettiligiga murojaat qilişi lozim. Biroq, qöşimça röyxatdagi oilalar soni reyestrdagi oilalar sonining 40 foizidan oşmasligi belgilangan.