Sovetparast bloger Aziz Hakimov 4 modda böyiça ayblanib, hibsga olindi

2025 yil 27 sentyabr kuni Toşkentda bloger Aziz Hakimov (Comrade_Aziz) hibsga olindi.

Malumotlarga köra, iş jurnalist Nikita Makarenkoning arizasi asosida qözğatilgan. Makarenko bloger uning şarafi va qadr-qimmatini tahqirlab, yolğon malumot tarqatganini bildirgan.

Dastlab unga nisbatan Jinoyat kodeksining 139-moddasi (tuhmat) va 140-moddasi (haqorat) böyiça iş qözğatilgan. Keyin ekspertiza xulosasiga köra yana ikki modda qöşildi:

150-modda (uruşni tarğib qiliş),
156-modda (millatlararo adovat qözğatiş).

Şu tariqa, blogerga törtta modda böyiça ayblov qöyildi.

Hakimovning advokati jinoiy işni siyosiy jihatdan motivatsiyalangan deb baholagan. Malumotlarga köra, bloger qamoqda oçlik elon qilgan.

Aziz Hakimov ilgari ham jurnalist Şerzodxon Qudratxöja haqida yolğon malumot tarqatgani uçun sud qarori bilan 18,7 mln söm jarimaga tortilgan edi.

Malumot örnida, ijtimoiy tarmoqlarda Aziz Hakimov sovetparastlik bilan yozilgan postlari bilan maşhur bölgan.